Tampeh Sémbéné Be.... Li...!
Ngulun-ngulun ayam kurungan ijo sandeh makukuruyuk. Boya nyiriang tatas lemah, wantah sinah sirep raré, sawatara jam 9 wengi. Raré-raré sampun maplekes sirep, Pan Laksmi kantun uyang ngandang inguh buduh maslikuan namping samping somah.
“Tampeh sémbéné Luh! Ulap mataé.”
“Nyén ngorin dini masaré. Ka kamar laku mo...!”
“Ongkeb.”
“Ndén alu, bin dik gén.”
“Sing med-med.”
“Sedeng jaena matebekan.”
“Luh dot tebek né?”
“Sing med-med.”
“Luh med?”
“Awié…”
Pegel, kenyel, leleh, keleh, seduk, nguyuk, madukan dados asiki mriku siku pupu sabuku-buku awak Pan Laksmi, wusan inuni matekap petang tuluk, ten jua ngranayang pules ipuné leplep. Jagat banteng, angin neng, koping empeng, sirah pengeng, tangkah kesieng-kesieng, suaran tivi kenceng, paningalan peteng-peteng, bibih grenggang-grenggeng, ipun uyang kadi kambing uyeng. Kedat pelih ngidem pelih. Glebag-glebug, lingkah-lingkuh, bodang-bading, ladglad-légléd ring semén ambén, samping somah.
“Melahang dik kambené Beli! Laglad légléd. Ngenah barangé.”
“Jelap kal léglédang.”
“Getep terasné.”
“Getep nyén rugi…?”
“Ah,… ngaduk-aduk gén. Di kamar masaré mo!”
“Won atié pules padidi.”
“Cara anak cerik.”
Tan sah Pan Laksmi ngalah, nyujur kamar, ninggal somah magadang nyait nyambi nonton calonarang. Duk kantun bajang, ten naen ngembangin nganem sasih apisan Mén Laksmi nonton calonarang, nuju Sukra Pon Tambir, panyineban piodalan Pura Dalem Kahyangan Sukawati. Mangkin sampun tiga pianaknyané truna-bajang, taler nénten naenin kejil, ipun nonton calonarang ring tivi-tivi jor-joran nyiarang sesolahan ngundang léak, ngédéng bangké matah, ngruek maurek-urekan. Asapunapiné ping kalih ping tiga sawengi.
Yadiastun lelampahané amunika-amunika kémanten, Kutus Rarung, Katundung Ratna Mangali, Ngeseng Waringin, Wirada Sungsang, I Gdé Basur, Dalang Tangsub, Sedah Wong, I Binor, Dukuh Suladri; sakémaon sat sagumi anaké seleg nonton calonarang, yata alit yata lingsir, lanang utawi istri, wang tani katekaning profésor, nyaksiang Ida Bhatari napak pretiwi. Mén Laksmi silih tunggil.
Wantah sesolahan calonarang kari ébek jeljel ajeg tegteg kramané nonton. Sesolahan tiosan sané nguni naenin kebut, makadi drama gong, arja, prémbon, tupéng, mangkin wantah angkihané kémanten kari klebit-klebit, idup tidong mati boya. Pragina-pragina sané pecak konengin pisan makadi Kakul, Rinda, Sadég, Alih, Sérog, Tedun, Ribu, Sadru, Monjong, Dolar, Dabdab, Kiul, Anak Agung Raka Payadnya, Anak Agung Rai Kalam, Gdé Yudana, sampun ndéwata. Lodra, Pétruk, Wayan Puja, Koncréng, sampun sepuh.
“Pragina bocok-bocok kéto pagadangin pabalih.” Pan Laksmi ngumik ngrumuk, jelanan kamar kari mampakan.
“Sing dadi ngraos kéto Beli!”
“Lima selem, baong badeng, batis kakah, bulénan pablégbég. Aruh nyeb basangé.”
“Cara paling bagusa.”
“Bes kétoé. Nu jegégan Luh.”
“Nyén orin ngajum sekahé.”
“Sing maan ngalih pragina ané jegégan bin dik?”
“Beli mula demen nepukin nak jegég-jegég.”
“Nyak asané kéto ah…”
“Beli harus berterima kasih. Nu ada nyak kramaé duduka anggona pragina kin banjaré. Beli malah ngwalék.”
“Aruh...”
“Arah-aruh, arah-aruh. Pidan yan sing ketemu mabalih Arja RRI di jaban Pura Désa, dija bakat beli tiang...?”
“Nyak asané to ah...”
Akidik ten simpang raos Mén Laksmi. Aeb gumi sampun matiosan. Dumun daweg swadharman kramané makarya ring sawah, masyarakat agraris kabaos, télevisi durung wénten, sesolahan arja, drama gong, jangér, topéng, prémbon kebut pisan, pajeljel anaké nonton, yata kantos galang kangin. Anaké rauh saking mabalih, mapapasan sareng krama mamargi ka sawah.
Mangkin sawahé nelas-nelasang, anak oneng makarya ka sawah taler ngured-nguredang. HP makacakan, télevisi muyag, masyarakat industri jasa kabaos, sabecik-becik sesolahan kuno, wantah kursi lan Jero Mangku sané nonton. Sesolahan calonarang kémanten kantun kebut.
“Sing pragat ndén, Luh?”
“Bapa jeg gelar-gelur dogén gaéné.”
Putu Laksmi tan panantara rauh nyarengin majejaitan ngempréngin bapannyané. Mén Laksmi sujatiné mamanah wusan nyait, jagi nuutin somahnyané masaré, mapan sampun dot kadaut taler masaré maras-arasan. Limané kacacungan, sebengé congah, paliatné nyekuh, mawali mapi-mapi iteh jemet nyait.
“Né buin I Koncréng milu-milu dogénan. Lasia buka lemah lakar padidi pules né.” Kaeng Pan Laksmi.
“Bapan Luhé mula kéto. Yan masaré pang bareng, urut-urut, ilih-ilihin, apak-apak pecila, né to grayanga cara tuké anyud. Yan sing kéto sing nyak masaré koné.”
“Bapa mula ajum. Mangid-mangid, cara pangantén baru gén.”
“Sing dadi prai.”
“Pubér kedua Bapa né. Da makejang keneh Bapaé tuutanga Mé!”
“Yan sing baang, ngambul. Yan sing tuutang, ngamuk.”
“Ah patuh, Mémé masé demen kéto. Sera panggang sera tunu.”
Mén Laksmi kaselek, keni skak mat. Pan Laksmi ping tiga ping pat sliwar-sliwer ring samping pianak somah majejaitan, malih ka tengah malih ka sisi, malih ka paon, malih ka kamar mandi, sesiliban ngilegin boong, ngejitin Mén Laksmi gelis ka kamar.
“Bapa anyang-anyangan? Pang kuda kadén ka kamar mandi?”
“Ah awak nu cerik sing nawang apa.”
“Ba tawang.”
“Nu bin dik gén Beli.”
“Aruuuhhh, inguh sing nyak pules mataé.”
Pan Laksmi malih ka kamar mandi nyaru-nyaru manyuh, mangda polih ngejitin somah gelis ka kamar. Luh Laksmi sampun puput nusuk-nusuk ngantusin panyatusan cepér, Mén Laksmi ngampigang tikeh munduhang luu ngedasin bataran. Calonarang taler sampun puput.
“Kema kalain masaré Luh! Mémé ja matamped-tamped.”
Saking ampik Luh Laksmi ngungsi kamar, saking ambén Mén Laksmi ngojog pasaréan. Saking kamar mandi Pan Laksmi ngampak jelanan, byaaarrr.
“Aaaaahhhhh.”
Amunapi kadén kesiab Pan Laksmi wawu ngampakang jelanan. Saking tutuk kantos bongkol buka bungkul melah luung ngatih. Terang galang maglandaran, ngulapin paningalan. Sunaran lampu terang galang putih, nibénin angga putih, luhur seprai putih, ngwalikin sinar putih, ring paningalan mamutih, katos sabulu akatih. Malih Pan Laksmi makesiab
“Aaaaahhhhh.”
Ulap ipun ngaton Mén Laksmi nyagiang dedaaran luih, tan sida antuk nartayang, sejabana sajaang rasayang. Saksat matanjénan, “Sampun sagiang tiang, énggalang daar telahang!!!”
Mén Laksmi ngedirin tujuh, Pan Laksmi énjuh nyujuh luh lemuh matajuh mapeluh-peluh.
“Tampeh sémbéné bel…!”
Ték. Durung nyarik raos Mén Laksmi, Pan Laksmi sépanan ngletékin saklar, wawu nglantur raos Mén Laksmi.
“li...!” 7
“Nyén ngorin dini masaré. Ka kamar laku mo...!”
“Ongkeb.”
“Ndén alu, bin dik gén.”
“Sing med-med.”
“Sedeng jaena matebekan.”
“Luh dot tebek né?”
“Sing med-med.”
“Luh med?”
“Awié…”
Pegel, kenyel, leleh, keleh, seduk, nguyuk, madukan dados asiki mriku siku pupu sabuku-buku awak Pan Laksmi, wusan inuni matekap petang tuluk, ten jua ngranayang pules ipuné leplep. Jagat banteng, angin neng, koping empeng, sirah pengeng, tangkah kesieng-kesieng, suaran tivi kenceng, paningalan peteng-peteng, bibih grenggang-grenggeng, ipun uyang kadi kambing uyeng. Kedat pelih ngidem pelih. Glebag-glebug, lingkah-lingkuh, bodang-bading, ladglad-légléd ring semén ambén, samping somah.
“Melahang dik kambené Beli! Laglad légléd. Ngenah barangé.”
“Jelap kal léglédang.”
“Getep terasné.”
“Getep nyén rugi…?”
“Ah,… ngaduk-aduk gén. Di kamar masaré mo!”
“Won atié pules padidi.”
“Cara anak cerik.”
Tan sah Pan Laksmi ngalah, nyujur kamar, ninggal somah magadang nyait nyambi nonton calonarang. Duk kantun bajang, ten naen ngembangin nganem sasih apisan Mén Laksmi nonton calonarang, nuju Sukra Pon Tambir, panyineban piodalan Pura Dalem Kahyangan Sukawati. Mangkin sampun tiga pianaknyané truna-bajang, taler nénten naenin kejil, ipun nonton calonarang ring tivi-tivi jor-joran nyiarang sesolahan ngundang léak, ngédéng bangké matah, ngruek maurek-urekan. Asapunapiné ping kalih ping tiga sawengi.
Yadiastun lelampahané amunika-amunika kémanten, Kutus Rarung, Katundung Ratna Mangali, Ngeseng Waringin, Wirada Sungsang, I Gdé Basur, Dalang Tangsub, Sedah Wong, I Binor, Dukuh Suladri; sakémaon sat sagumi anaké seleg nonton calonarang, yata alit yata lingsir, lanang utawi istri, wang tani katekaning profésor, nyaksiang Ida Bhatari napak pretiwi. Mén Laksmi silih tunggil.
Wantah sesolahan calonarang kari ébek jeljel ajeg tegteg kramané nonton. Sesolahan tiosan sané nguni naenin kebut, makadi drama gong, arja, prémbon, tupéng, mangkin wantah angkihané kémanten kari klebit-klebit, idup tidong mati boya. Pragina-pragina sané pecak konengin pisan makadi Kakul, Rinda, Sadég, Alih, Sérog, Tedun, Ribu, Sadru, Monjong, Dolar, Dabdab, Kiul, Anak Agung Raka Payadnya, Anak Agung Rai Kalam, Gdé Yudana, sampun ndéwata. Lodra, Pétruk, Wayan Puja, Koncréng, sampun sepuh.
“Pragina bocok-bocok kéto pagadangin pabalih.” Pan Laksmi ngumik ngrumuk, jelanan kamar kari mampakan.
“Sing dadi ngraos kéto Beli!”
“Lima selem, baong badeng, batis kakah, bulénan pablégbég. Aruh nyeb basangé.”
“Cara paling bagusa.”
“Bes kétoé. Nu jegégan Luh.”
“Nyén orin ngajum sekahé.”
“Sing maan ngalih pragina ané jegégan bin dik?”
“Beli mula demen nepukin nak jegég-jegég.”
“Nyak asané kéto ah…”
“Beli harus berterima kasih. Nu ada nyak kramaé duduka anggona pragina kin banjaré. Beli malah ngwalék.”
“Aruh...”
“Arah-aruh, arah-aruh. Pidan yan sing ketemu mabalih Arja RRI di jaban Pura Désa, dija bakat beli tiang...?”
“Nyak asané to ah...”
Akidik ten simpang raos Mén Laksmi. Aeb gumi sampun matiosan. Dumun daweg swadharman kramané makarya ring sawah, masyarakat agraris kabaos, télevisi durung wénten, sesolahan arja, drama gong, jangér, topéng, prémbon kebut pisan, pajeljel anaké nonton, yata kantos galang kangin. Anaké rauh saking mabalih, mapapasan sareng krama mamargi ka sawah.
Mangkin sawahé nelas-nelasang, anak oneng makarya ka sawah taler ngured-nguredang. HP makacakan, télevisi muyag, masyarakat industri jasa kabaos, sabecik-becik sesolahan kuno, wantah kursi lan Jero Mangku sané nonton. Sesolahan calonarang kémanten kantun kebut.
“Sing pragat ndén, Luh?”
“Bapa jeg gelar-gelur dogén gaéné.”
Putu Laksmi tan panantara rauh nyarengin majejaitan ngempréngin bapannyané. Mén Laksmi sujatiné mamanah wusan nyait, jagi nuutin somahnyané masaré, mapan sampun dot kadaut taler masaré maras-arasan. Limané kacacungan, sebengé congah, paliatné nyekuh, mawali mapi-mapi iteh jemet nyait.
“Né buin I Koncréng milu-milu dogénan. Lasia buka lemah lakar padidi pules né.” Kaeng Pan Laksmi.
“Bapan Luhé mula kéto. Yan masaré pang bareng, urut-urut, ilih-ilihin, apak-apak pecila, né to grayanga cara tuké anyud. Yan sing kéto sing nyak masaré koné.”
“Bapa mula ajum. Mangid-mangid, cara pangantén baru gén.”
“Sing dadi prai.”
“Pubér kedua Bapa né. Da makejang keneh Bapaé tuutanga Mé!”
“Yan sing baang, ngambul. Yan sing tuutang, ngamuk.”
“Ah patuh, Mémé masé demen kéto. Sera panggang sera tunu.”
Mén Laksmi kaselek, keni skak mat. Pan Laksmi ping tiga ping pat sliwar-sliwer ring samping pianak somah majejaitan, malih ka tengah malih ka sisi, malih ka paon, malih ka kamar mandi, sesiliban ngilegin boong, ngejitin Mén Laksmi gelis ka kamar.
“Bapa anyang-anyangan? Pang kuda kadén ka kamar mandi?”
“Ah awak nu cerik sing nawang apa.”
“Ba tawang.”
“Nu bin dik gén Beli.”
“Aruuuhhh, inguh sing nyak pules mataé.”
Pan Laksmi malih ka kamar mandi nyaru-nyaru manyuh, mangda polih ngejitin somah gelis ka kamar. Luh Laksmi sampun puput nusuk-nusuk ngantusin panyatusan cepér, Mén Laksmi ngampigang tikeh munduhang luu ngedasin bataran. Calonarang taler sampun puput.
“Kema kalain masaré Luh! Mémé ja matamped-tamped.”
Saking ampik Luh Laksmi ngungsi kamar, saking ambén Mén Laksmi ngojog pasaréan. Saking kamar mandi Pan Laksmi ngampak jelanan, byaaarrr.
“Aaaaahhhhh.”
Amunapi kadén kesiab Pan Laksmi wawu ngampakang jelanan. Saking tutuk kantos bongkol buka bungkul melah luung ngatih. Terang galang maglandaran, ngulapin paningalan. Sunaran lampu terang galang putih, nibénin angga putih, luhur seprai putih, ngwalikin sinar putih, ring paningalan mamutih, katos sabulu akatih. Malih Pan Laksmi makesiab
“Aaaaahhhhh.”
Ulap ipun ngaton Mén Laksmi nyagiang dedaaran luih, tan sida antuk nartayang, sejabana sajaang rasayang. Saksat matanjénan, “Sampun sagiang tiang, énggalang daar telahang!!!”
Mén Laksmi ngedirin tujuh, Pan Laksmi énjuh nyujuh luh lemuh matajuh mapeluh-peluh.
“Tampeh sémbéné bel…!”
Ték. Durung nyarik raos Mén Laksmi, Pan Laksmi sépanan ngletékin saklar, wawu nglantur raos Mén Laksmi.
“li...!” 7
Olih : I Madé Suarsa
Komentar