Iring Saling Pandang Sampunang Saling Pandung
Akidik tan makutang paparikan sisindiran Cénk-Blonk. Tan ja kéwuh amunapi, tan ja malih sakadi ngrunguang pianak kari alit wawu kumalipan, kumalindung, magaang, majujuk, majalan, mlaib, patut runguang 24 jam sehari.
Yan sampun bajang truna pasti élah, pasti aluh. Kadén saja, é kadén saja, kayang bajang truna élah aluhang, é é é... ri sesampuné jakti truna-bajang malah sayan berat, sayan kéweh, sayan sulit. Karasayang olih Pan Puja-Mén Puja, pianakipun tetiga sedek milénial maselat sikut kuping, Pujastawa, Pujastuti, Pujastiti, malah patut karengayang 25 jam sehari.
Nénten pasaja antuka Pan Puja Mén Puja natasang, napi sujatiné ngranayang pianak ipuné truna bajang makatetiga pecak adem-ayem kukub-guyub kadi embung lan pangkung, asasih kalih sasih puniki, nadak sara jeg magujeg, pragat marebat, puput ribut, rames mamanes, saling simbing, silang tangtang, sareng cureng. Sampun mapapas mimpas sisiknyané kadi toya lan minyak. Pujastawa nganginang, Pujastuti ngauhang, Pujastiti nglodang, mémé bapannyané sisi kaja makutang, kapak-kipek sareng kalih sat kaentungang ring karang suung.
“Kénkén né Beli, panaké ajak telu sawai-wai magonggang cara méng ajak cicing? Bengong atié.”
“Ah depang suba, yan med dong suud ia majugjag. Panak suba kelih bakat runguang.”
“To ba tiang sing demen ngajak Beli.”
“Ah yang benaaarrr...”
“Apané sing beneh...?”
“Ibi sanja apa to?”
“Kan Beli né nagih.”
“Kan Luh né nanjén.”
“Tiang sing ada nanjén. Tiang nak mula biasa pules ngandang nganjuh madaster sing nganggo C....”
“Langsuuung caplok.”
“Capplak caplok caplak caplok, né panaké té itungang.”
Tan matari ring somah, Pan Puja sampun nyelehin, kasujatian makatetelu pianaknyané kadi cicing, méng, bojog. Yéning makanda tan wénten nyak ngalah. Paling kelih kokoh, paling tengah kukuh, paling cerik kekeh.
“Benya nguda nukung I Bowo? Sing nawang sejarah. Inget benya ia demen mamati-mati pidan, laguté ngaba bedil.”
“Lén pidan lén jani.”
“Pidan jahat, jani tetep jahat.”
“Tondén karuan. Bandingang kin benya nukung I Manis.”
“Manis dueg ngomong, cocok dadi perbekel.”
“Awak luh sing nawang apa. Benya sing inget, I Manis sing jlema asli Désa Nusantari?”
“Uling kudang keturunan ia suba dini, suba dadi warga asli Nusantari.”
“Ah I Manis dadi kelihan dogén sing munduk apa, nagih dadi perbekel. I Bowo paling pas dadi perbekel.”
Bowo, Manis, Bowo, Manis, Bowo, Manis, kénten manten jugjagina antuk Pujastawa sareng Pujastuti. Pujastawa kokoh nukung Bowo, Pujastuti kukuh nukung Manis. Pujastiti? Sedek makalih lantur nyugjagang Bowo-Manis, éngap-éngap rauh Pujastiti mabaju kaos barak ngékék madaging potrékan I Genjar.
“Lawaaannn... lawaaannn...!”
“Ah né bin sik Koncréng. Orin I Genjar nyemir bok né malu ha ha ha...!”
“Bok putih atiné bersih.”
“Apa bersih. Jlema ndésa dukung, soléh san benya.”
“Tetapi jujur, warga désa asli.”
“I Manis paling pas. Bowo bungut gebuh, Genjar cara tai di temuku.”
“Bowo top. Ganggas, wanén. Genjar lempé, Manis pengangguran.”
“Genjar paling pop. Manis pecat-pecatan. Bowo sok dueg.
Tlektek punya tlektek, Pan Puja uning, yééé déwa ratu agung sareng tetelu, asu magarang ampru 2024. Yukti ring pemilihan perbekel jagi rauh, pemilih kelompok milénial iab Pujastawa, Pujastuti, Pujastiti sawetara 60 persén. Puniki ciri-ciri bonus démografi malih telulas tiban, sayan sinah. Pekak Madé Mudra sané katunasin tulung olih Pan-Mén Puja nyelag macempléng.
“Wih Ning... apa kal rebut, kal jeg ribut? Cening ajak telu tulén cicing magarang entut. Di betén di akar rumput benya saling cegut, di élit baduur puput saling jangkut.
Pekak Madé Mudra sané sampun tiban-tibanan dados perbekel, taun-taunan dados punggawa, sué dados prakanggé ring kota. Sampun tebel indik tata-titi maparikrama jroning pakraman, sampun bek indik tatwa tutur jroning nginggilang Hyang Parama Luhur. Samuputang swagina ring pamerintahan, nglanturang swaguna ring makudang paguyuban, amatra tan wénten nyet anaké lingsir dados angga partai. Dané lewih seneng dados angga santi.
“Né Kak, Adi-adié tusing dadi orahin.”
“Orahin apa to?”
“Bareng dukung I Bowo perbekel 2024. Adi-adié jeg I Manis I Genjar dukunga. Apané usak to?”
“Nyén usak?”
“Adi-adié.”
“Yan cara Pekak sing ada né usak. Makejang luung, makejang beneh, makejang dadi, makejang bisa.”
“Maksud Pekaké?”
“Dané sing luung, demen nyelékang anak. Dané sing beneh, demen melihang anak. Dané sing dadi, demen nidongang anak. Dané sing bisa, demen nglésa anak.”
“Ah Pekak.”
“Benya magetih abungbung ajak telu. Nguda ulian pemilihan perbekel benya saling gutgut ajak tugelan. Apa benya kal maan? Benya harus menghormati pilihan anak lén, apa buin nak lén to nyama tugelan padidi.”
“Maksudé pang patuh dukungané.”
“Yan benya orahina pang patuh dukungané ajak adi-adié, nyak?”
“Siiinnnggg...”
“Nah makané. Lén pilihan da saling pelihang, lén tongos da saling méngos, saling ngerti da saling brangti, saling pandang da saling pandung!”
Ring dija-dija Pekak Madé Mudra polih galah mabaos, marerembugan, bilih-bilih pinaka narawakia jroning dharma tula, dané setata ngagungang pisan pasametonan saling asah saling asih saling asuh, paras paropa sarpana ya. Mawiwit saking siki, mawali ka siki. Nyakitin sameton, jatinian nyakitin raga padidi. Patut saling ngerti kahananian sameton.
“Iring saling pandang, sampunang saling pandung”. Asapunika dané Pekak Madé Mudra nitiasa mapawéwéh mapawuwus. 7
Nénten pasaja antuka Pan Puja Mén Puja natasang, napi sujatiné ngranayang pianak ipuné truna bajang makatetiga pecak adem-ayem kukub-guyub kadi embung lan pangkung, asasih kalih sasih puniki, nadak sara jeg magujeg, pragat marebat, puput ribut, rames mamanes, saling simbing, silang tangtang, sareng cureng. Sampun mapapas mimpas sisiknyané kadi toya lan minyak. Pujastawa nganginang, Pujastuti ngauhang, Pujastiti nglodang, mémé bapannyané sisi kaja makutang, kapak-kipek sareng kalih sat kaentungang ring karang suung.
“Kénkén né Beli, panaké ajak telu sawai-wai magonggang cara méng ajak cicing? Bengong atié.”
“Ah depang suba, yan med dong suud ia majugjag. Panak suba kelih bakat runguang.”
“To ba tiang sing demen ngajak Beli.”
“Ah yang benaaarrr...”
“Apané sing beneh...?”
“Ibi sanja apa to?”
“Kan Beli né nagih.”
“Kan Luh né nanjén.”
“Tiang sing ada nanjén. Tiang nak mula biasa pules ngandang nganjuh madaster sing nganggo C....”
“Langsuuung caplok.”
“Capplak caplok caplak caplok, né panaké té itungang.”
Tan matari ring somah, Pan Puja sampun nyelehin, kasujatian makatetelu pianaknyané kadi cicing, méng, bojog. Yéning makanda tan wénten nyak ngalah. Paling kelih kokoh, paling tengah kukuh, paling cerik kekeh.
“Benya nguda nukung I Bowo? Sing nawang sejarah. Inget benya ia demen mamati-mati pidan, laguté ngaba bedil.”
“Lén pidan lén jani.”
“Pidan jahat, jani tetep jahat.”
“Tondén karuan. Bandingang kin benya nukung I Manis.”
“Manis dueg ngomong, cocok dadi perbekel.”
“Awak luh sing nawang apa. Benya sing inget, I Manis sing jlema asli Désa Nusantari?”
“Uling kudang keturunan ia suba dini, suba dadi warga asli Nusantari.”
“Ah I Manis dadi kelihan dogén sing munduk apa, nagih dadi perbekel. I Bowo paling pas dadi perbekel.”
Bowo, Manis, Bowo, Manis, Bowo, Manis, kénten manten jugjagina antuk Pujastawa sareng Pujastuti. Pujastawa kokoh nukung Bowo, Pujastuti kukuh nukung Manis. Pujastiti? Sedek makalih lantur nyugjagang Bowo-Manis, éngap-éngap rauh Pujastiti mabaju kaos barak ngékék madaging potrékan I Genjar.
“Lawaaannn... lawaaannn...!”
“Ah né bin sik Koncréng. Orin I Genjar nyemir bok né malu ha ha ha...!”
“Bok putih atiné bersih.”
“Apa bersih. Jlema ndésa dukung, soléh san benya.”
“Tetapi jujur, warga désa asli.”
“I Manis paling pas. Bowo bungut gebuh, Genjar cara tai di temuku.”
“Bowo top. Ganggas, wanén. Genjar lempé, Manis pengangguran.”
“Genjar paling pop. Manis pecat-pecatan. Bowo sok dueg.
Tlektek punya tlektek, Pan Puja uning, yééé déwa ratu agung sareng tetelu, asu magarang ampru 2024. Yukti ring pemilihan perbekel jagi rauh, pemilih kelompok milénial iab Pujastawa, Pujastuti, Pujastiti sawetara 60 persén. Puniki ciri-ciri bonus démografi malih telulas tiban, sayan sinah. Pekak Madé Mudra sané katunasin tulung olih Pan-Mén Puja nyelag macempléng.
“Wih Ning... apa kal rebut, kal jeg ribut? Cening ajak telu tulén cicing magarang entut. Di betén di akar rumput benya saling cegut, di élit baduur puput saling jangkut.
Pekak Madé Mudra sané sampun tiban-tibanan dados perbekel, taun-taunan dados punggawa, sué dados prakanggé ring kota. Sampun tebel indik tata-titi maparikrama jroning pakraman, sampun bek indik tatwa tutur jroning nginggilang Hyang Parama Luhur. Samuputang swagina ring pamerintahan, nglanturang swaguna ring makudang paguyuban, amatra tan wénten nyet anaké lingsir dados angga partai. Dané lewih seneng dados angga santi.
“Né Kak, Adi-adié tusing dadi orahin.”
“Orahin apa to?”
“Bareng dukung I Bowo perbekel 2024. Adi-adié jeg I Manis I Genjar dukunga. Apané usak to?”
“Nyén usak?”
“Adi-adié.”
“Yan cara Pekak sing ada né usak. Makejang luung, makejang beneh, makejang dadi, makejang bisa.”
“Maksud Pekaké?”
“Dané sing luung, demen nyelékang anak. Dané sing beneh, demen melihang anak. Dané sing dadi, demen nidongang anak. Dané sing bisa, demen nglésa anak.”
“Ah Pekak.”
“Benya magetih abungbung ajak telu. Nguda ulian pemilihan perbekel benya saling gutgut ajak tugelan. Apa benya kal maan? Benya harus menghormati pilihan anak lén, apa buin nak lén to nyama tugelan padidi.”
“Maksudé pang patuh dukungané.”
“Yan benya orahina pang patuh dukungané ajak adi-adié, nyak?”
“Siiinnnggg...”
“Nah makané. Lén pilihan da saling pelihang, lén tongos da saling méngos, saling ngerti da saling brangti, saling pandang da saling pandung!”
Ring dija-dija Pekak Madé Mudra polih galah mabaos, marerembugan, bilih-bilih pinaka narawakia jroning dharma tula, dané setata ngagungang pisan pasametonan saling asah saling asih saling asuh, paras paropa sarpana ya. Mawiwit saking siki, mawali ka siki. Nyakitin sameton, jatinian nyakitin raga padidi. Patut saling ngerti kahananian sameton.
“Iring saling pandang, sampunang saling pandung”. Asapunika dané Pekak Madé Mudra nitiasa mapawéwéh mapawuwus. 7
Olih:
I Madé Suarsa
Komentar