Nyaga Raga, Nyaga Rasa
Akudang purnama suba liwat, kenehé ento tusing pesan nyidang baan tiang ngengsapang. Kenangané satata marawat di mata, kadi kaluihan yéh segara matimpal bias pasih saha ramé gabiuran ombaké di pasisi Sidayu pasliwer nundunin rasa ané pidan taén tumbuh di ati ka tuju ngajak ia ané tuah ngliwat, tusing taén singgah apabuin lakar kajangkepang.
Saja buka anaké ngorahang, KKN ento mula ujian kesetiaan sejati, ‘Yang spesial dikalahkan yang selalu ada’. Dugas ento, tiang nyalanang program kampus ané madan KKN, Kuliah Kerja Nyata. Suka duka karasayang di tongosé KKN. Uli gunung ka pasisi, joh tekén rerama, kéto masi joh tiang ngajak Beli Komang Putra, tunangan tiangé ané suba ajak tiang masemaya lakar nyangkepang tresna disubané tiang tamat kuliah lan maan gagaén bekelang ngantén.
Satondén majalan KKN, Beli Komang suba mabesen tekén tiang apang tiang beneh-beneh nyaga raga tur nyaga ati, “Tu, kayangné KKN, Putu sing dadi nakal ditu nah. Diapin joh ajak beli, Putu apang tegteg nyaga semaya tresnan iragané. Apang tusing buin bli kilangan anak luh ulian KKN, ipidan beli suba taén kéto. Ulian ia cinlok ngajak timpalné satu kelompok, ngemasin ia buung ngantén ajak beli. Mirib masi suratan Hyang Widhi, ia tusing majodoh ngajak beli. Jani, beli suba nyekenang keneh, apang Putu ané siduri dadi jodoh beliné.”
“Hahaha, Beli Komang eda bes baperan, beli! Tiang tusing patuh cara mantan beliné. Pokokné tenang dogén beli, tiang janji lakar nyaga raga, nyaga rasa!” kéto semayan tiangé ngajak Beli Komang.
Disubané majalan, sadina-dina tiang ngoyong bareng ngajak timpal-timpal di posko KKN ané kasayagayang tekén désa di tongos KKN. Tiang suba satata mautsaha nyaga kenehé, apang tusing ngelah keneh demen lénan tekén demen matimpal ngajak timpal muani ané ajak bareng KKN ditu. Sabilang wai ada dogén bakat anggo pacandaan, apang payu makedékan. Tusing buungan, ulian macanda, apa ané jejehanga ngajak Beli Komang, ané jani rasayang tiang. Kadék Windu satata ada buat tiang, nimpalin tiang kala seneng lan sebet, sai masi nulungin kala tiang ngelah tugas. Kéto masi ngatehang tiang kemu mai. Diastun suba pada-pada ngelah tunangan, bunga-bunga tresnané tumbuh tusing karuan nyén ané matajuk. Apabuin sesai timpal-timpalé ané lénan sahasa maek-maekang tiang apang matunangan. Sinah ngansan ngedénang rasané ené.
“Ratna ajak Windu nyanan luas ka kantor désa, nah! Pak Mekel ngorahin apang ada perwakilan nongosin posko penanganan Covid-19 ditu,” kéto Gunggék Ayu nundén tiang ngajak Kadék Windu. Sesai ia ngemaang tiang tugas luas ka sisi ngajak Kadék Windu. Ngalih kéné, ngalih kéto. Meli kéné, meli kéto. Ulian ia dadi ketua kelompok, tusing bani tiang nungkasin.
Galah becat majalan, suba abulan tiang nyalanang KKN ditu. Diastun tondén taén pada-pada nyambatang, kenehé ngansan ngedénang ngajak Kadék Windu. Sujatinné, tiang nawang pajalané ené pelih. Baat keneh tiangé malaksana buka kéné, kadirasa mogbogin tunangan padidi, tusing satya wacana rasayang tiang.
Sunaran kartika candra ri kala Purnama Kapaté putih nyentak ngaé petengé karasa galang. Kéto masi bunga-bungané pada miik ngalub ngiterin gumi. Di betén punyan poh madu ané majujuk tegeh di natah sekolah SDné ané tongosin tiang dadi posko KKN, ditu tiang ngajak Kadék Windu negak padaduanan.
“Tu, dadi iang ngomong?” kéto alus munyinné Kadek Windu.
“Apa, Dék?” Tiang masaut paling. Tumbén seken pesan dingehang tiang munyinné, biasanné anak lebihan guyu yén suba ajak nutur.
“Nang tolih bulané ba duur, liu ajaan iterin bintang. Yén Putu dadi bulané ento, bintangé ané kén lakar pilih Putu?”
“Ha...? Ené ngomong seken apa guyu? Adi iang patuhang cara bulan? Pasti ulian iang jegég bulan aa? Hahahaha...”
“Bah, né! Ajak ngomong seken, kadéna guyu!”
“Men kan mula biasanné Kadék Windu tusing taén seken. Saling ké ngajak timpal, ngajak tunanganné gén tusing seken méh né? Dasar buaya darat!” kéto tiang nyautin, milu masi candain tiang, apang tusing bes seken.
“Mula sajan iang buaya darat, tusing taén tegteg ngajak anak luh abesik. Amonto iang nepukin anak luh, nak kondén ada tepukin cara Putu. Putu nyak nimpalin iang diapin suba nawang ia muani buaya mimbuh sakit buka kéné.”
Kadék Windu sujatinné polos pesan, kéwala ia mula demen macanda ngajak anak luh, ané ngaé liu anak luhé demen ngajak ia. Nanging, ia masi sujatinné ngengkebang sakit. Tuah bedik anaké nawang. Ia ngelah sakit jantung. Yén bes leleh, taén makesiab apabuin lebian makeneh, sakitné bisa kumat. Di kelompoké KKN tuah tiang ané nawang sakitné. Ento makada tiang satata mautsaha ngaé ia lega, apang tusing kambuh sakitné. Yén dadi baan, apang ia nyidaang seger.
“Hem... sok-sokan ngomong kéto. Mén Iluh Gég tusing akuin?” tiang nyaruang tuturné.
“Sujatinné, iang tusing ja seken kenehé ngajak ia, Tu. Kéwala tusing nyidang iang megatin tresna ajak ia. Limang tiban majalan, suba ping kuda iang ngalih anak luh lén, ping kuda masi suudin iang, ia sing taén nyak suud.”
“Ento artinné, ia seken ngajak Kadék! Kéweh ngalih anak luh kéto buin!”
“Asané sing kéweh, yén anaké luh ento tusing gelahang anak lén.”
“Maksudné?”
“Sujatinné, iang anak demen ngajak Putu. Diapin mara dugasné kenal, iang nyaman ngajak Putu. Putu jegég, polos, dueg, aget pesan asanné yén makatang Putu. Kéwala iang nyadar masi, iang enu ngelah tunangan, Putu masi suba ngelah apabuin suba mataki-taki lakar ngantén, sing patut asané yén iraga mabesikan. Kéwala Tu, rasané ené teka padidina, jelék rasanné yén iang ngengkebang padidi. Takut nyanan iang malunan mati, katimbang nyambatang ené ngajak Putu, hahaha...”
“Éh, eda ngawag-ngawag mamunyi, selidan ngitungang mati né!”
“Men yén sajan iang mati buin mani, kudiang carané ngorta ajak Putu, yén iraga suba beda alam?”
“Ah, dadi suunang baas pipis isinin sesari satus tali, nyidang nutur via tubuh balian sonténg. Ééékkk,” buin candain tiang.
“Ah, ngomong seken né, Tu!”
“Hu... Ah...” Tiang ngedeng angkihan lantang.
“Yén unduk ento, Dék, iang masi tusing nyidang mogbogin keneh padidi. Sujatiné iang masi ada rasa ngajak Kadék. Kéwala, iang tusing nyidang masi lakar megatang semayané ngajak Beli Komang, tunangan iangé ané suba sadia ngantosang iang uling atiban lebih, kulawarga masi suba pada nawang lan setuju iang lakar ngantén disubané tamat kuliah. Lek atiné yén kanti buung ngajak Beli Komang. Kanggoang jani iraga sabates matimpal, diapin mongkén ada rasa tresna, sepel padidi. Iraga tusing lakar nyidang mabesikan. Ingetang masi tunangan Kadéké ané suba nerima Kadék diapin kénkén solah Kadéké tekén ia.”
“Nah, yén suba kéto, jalanin gén suba. Kéwala janji nah, Putu musti selalu ada buat iang selama KKN.”
“Oké, siap!”
Tusing madaya, tutur sekené ento dingehanga tekén Gunggék Ayu. Benyah latig unduké jani, Gunggék nekedang paundukan tiangé ngajak Kadék Windu tekén Luh Suasti, tunanganné Kadék Windu.
“Tu, Tu. Gawat!” semengan Kadék Windu ngalih tiang misi ngangsegang angkihan.
“Gawat éngkén?”
“Gunggék nekedang unduk iraga ngajak Luh Suasti, orahanga iraga selingkuh. Jani Luh Suasti ngorahang lakar mai, buina Gunggék ngorahang lakar nekedang tekén tunangan Putuné.”
Deg...
Makeplag rasan sirah tiangé kala nawang unduké ento. Tiang ané suba masemaya tuah matimpal dogénan ngajak Kadék Windu, ané jani kapisuna selingkuh. Tusing kakeneh baan tiang, yén kanti Beli Komang nawang unduké ené uli anak lén, sinah lebih-lebihina tuturé, tusing buungan tiang lakar masiat gedé. Tiang makeneh lakar ngorahang unduké ené padidi ngajak Beli Komang, apang tusing malunan Gunggék nekedang patuh cara ia nekedang tekén Luh Suasti. Télpon tiang Beli Komang.
“Beli Komang, ija jani?”
“Di jumah. Éngkén, Tu?”
“Ajak nyén?”
“Padidi. Ada apa nélpon beli semengan?”
“Ada ané lakar orahang iang, beli?”
“Nah, orahang suba!”
“Beli enu seken kenehé ngajak iang, kan?”
“Béh, biin ragu. Beli seken san ajak Putu, tusing ada guyu buin. Asal Putu tusing nakal durin beliné, tusing masi mogbogin beli. Beli paling tusing demen kabogbogin!”
“Nah, yén kéto, beli percaya ngajak iang kan? Iang lakar jujur ngajak beli. Sujatiné iang ada paek ngajak timpal muani dini. Nanging, bani salahang Bhatara, iang tusing ada hubungan lebih ngajak ia, tuah matimpal. Apang tusing beli ningeh munyi soléh-soléh uli anak lén, adénang iang ané nuturang langsung ajak beli. Abedik iang tusing ada mogbogin beli.”
Beli Komang tusing masaut dugas tiang nyambatang kéto. Nadak sara tusing ada munyi apa di télpon. Beli Komang ilang tan pabesen apa, sajaba chat di Whatsapp.
“Tu, suksma antuk atiban tengah puniki. Ané jani, jalanang suba demen Putuné ditu ngajak anak muani ento. Beli las ati nglébang Putu apang Putu bagia. Buin kejep beli mulih Putuné lakar nekedang ngajak mémé bapa unduk tresnan iragané pegat, tusing ulian pelih beliné. Beli suba satya dini ngantosang Putu, suba masi beli mabesen, nanging Putu lémpas tekén samaya. Kemu suba Putu majalan! Beli mapamit.”
Dekdek remuk rasa tangkah tiangé nampi pabesen buka kéto. Tusing nyidang naanang sebet bayuné, ngeling tiang sigsigan di durin sekolahé. Buka ageté muridé libur dugas ento, tusing ada murid pasliwer di sekolahan, tusing ada nepukin tiang ngeling ditu. Tan karasa duang jam tiang ngeling di tongosé ento, timpal-timpalé pada paling ngalihin tiang, kéto masi Kadék Windu.
“Tu, Tu Ratna… Tu... ija né?” pagelur dingeh tiang timpal-timpalé ngalihin tiang.
Di Whatsapp masi tepuk tiang ramé ada nélpon, ada ngirim chat kéwala besik tusing ada makita tiang ngrunguang. Ané antosang tiang tuah télpon uli Beli Komang. Suba ping keti bangsit tiang nélpon tusing kaangkat, kéto masi chat tusing kawales. Notifikasi tanda baca suba centang besik, yén télpon tuah ada keterangan memanggil. Sinah tiang kablokir.
Kala sebeté suba tusing nyidang kataanang buin, Kadék Windu teka nyagjagin tiang. “Yéh, dong dini Putu Ratna! Tu? Putu?” Tiang tusing makita masaut, tuah yéh mata ané membah kadi grojogan yéh loloané nuju pasih, tan kapegatang.
“Éé, Tu? Adi ngeling? Ada apa?” Kadék Windu nyagjagin tiang laut ngusuhin tundun tiangé.
Sambil sigsigan tiang nuturang unduk tiangé ngajak Kadek Windu, “i… i... iang suudina ngajak Beli Komang.”
“Apa!? Adi bisa? Gunggék suba nekedang unduké ané sing beneh ento ngajak Beli Komang aa?”
“Tusing tawang iang. Anak tunian iang makeneh lakar nuturang unduké ento padidi, apang tusing malunan Beli Komang maan tutur boya-boya uli anak lén. Kenehé luung, malah Beli Komang salah tampi langsung nyuudin iang.”
“Kén HPné, iang lakar ngomong ajak Beli Komang. Kan iraga tusing ada hubungan lebih kén matimpal. Diapin paek, kan tuah paek matimpal. Tusing cara ané ortaanga ngajak Gunggék. Né untung Luh Suasti suba ngerti, wiréh ulian ia suba nawang iang sesai paek ngajak anak luh lén uling pidan. Ia tusing nyangetang munyinné Gunggék.”
“Suba tusing nyidang, Dék. Dini ditu iang suba kena blokir. Depang suba, mirib ené karmaphalan iangé.”
“Adah, tusing ada unduk karmaphala né, Tu. Putu tusing pelih apa, iraga masi tusing ada malaksana boya-boya. Ngadénang kéné jani. Putu bangun uli dini, manjus, mabersih-bersih, laut Putu mulih, alih Beli Komang. Tuturang unduk kasujatianné ngajak ia. Télpon masi iang yén suba matemu ngajak Beli Komang, iang ngomong masi apang pragat masalahé.”
Tiang nuutang munyinné Kadék Windu. Majalan tiang mulih, lantas ngalih Beli Komang ka jumahné. Pongah juari tiang nganggurin anak muani apang tusing tiang kanti pegat ngajak ia. Dapetang tiang umahné suung. Paling tiang matakon-takon ngajak pisaganné. Tusing ada nawang dija. Nadaksara tolih tiang suba ngenah foto profil Whatsappné Beli Komang, nyiriang ia suba suud mlokir kontak tiangé. Mara tiang lakar nélpon, sagétan dingeh tiang ada munyi anak muani.
“Tu...” Ia makaukan.
“Beli Komang!” Bagia pesan keneh tiangé nepukin Beli Komang. Tiang laut malaib nyagjagin. Tan karasa membah buin yéh paningalan tiangé dugas ento, ulung di tangkahné Beli Komang kala gelut tiang tekekang.
“Beli, ampurayang iang. Abedik tusing ada keneh iangé lakar mogbogin beli. Apabuin kanti nglémpasin tresnanané. Tiang sing nyak suud, beli!”
“Nah, nah, suud naké monto ngeling.”
“Pokokné iang sing nyak suud, beli!” Enu tekek gelut tiang bangkiangné Beli Komang.
“Nah, sing suud, sing. Mendep naké malu. Lek atiné tepukina ngajak anaké Putu ngeling kéné, nyanan beli orahanga pelaku KDRT.”
“Éh, jeg KDRT!”
“Men? Beli kan sing taén galak ngajak anak luh, ndén ada nepukin Putu ngeling dini, si usak nama baik beliné. Mendep, mendep! Bin kejep mémé ajak Guru teka, eda ngorahang masalahé busan nah. Buung suba suud. Kéwala Putu harus janji, tusing dadi kéto buin. Yén buin kéto durin beliné, pokokné jeg suud sekenan, nah? Beli mula polos, kéwala yén unduk selingkuh, beli tusing terima. Diapin Putu ngorahang mara paek dogén, tuah matimpal, yén matimpal bes paek pasti lakar kejadian, Tu. Kadén suba orahang beli, beli suba taén kilangan anak luh ulian KKN, sakancan dayan anak luh suba tawang beli. Anak beli masi suba malunan ngasanin KKN.”
“Nah, beli. Pokokné jani gisi beli suba janji tiangé. Tiang seken kén beli. Yén kanti tiang paek buin ngajak anak muani lebih kén matimpal, dadi suba kalahin tiang.”
Satondén majalan KKN, Beli Komang suba mabesen tekén tiang apang tiang beneh-beneh nyaga raga tur nyaga ati, “Tu, kayangné KKN, Putu sing dadi nakal ditu nah. Diapin joh ajak beli, Putu apang tegteg nyaga semaya tresnan iragané. Apang tusing buin bli kilangan anak luh ulian KKN, ipidan beli suba taén kéto. Ulian ia cinlok ngajak timpalné satu kelompok, ngemasin ia buung ngantén ajak beli. Mirib masi suratan Hyang Widhi, ia tusing majodoh ngajak beli. Jani, beli suba nyekenang keneh, apang Putu ané siduri dadi jodoh beliné.”
“Hahaha, Beli Komang eda bes baperan, beli! Tiang tusing patuh cara mantan beliné. Pokokné tenang dogén beli, tiang janji lakar nyaga raga, nyaga rasa!” kéto semayan tiangé ngajak Beli Komang.
Disubané majalan, sadina-dina tiang ngoyong bareng ngajak timpal-timpal di posko KKN ané kasayagayang tekén désa di tongos KKN. Tiang suba satata mautsaha nyaga kenehé, apang tusing ngelah keneh demen lénan tekén demen matimpal ngajak timpal muani ané ajak bareng KKN ditu. Sabilang wai ada dogén bakat anggo pacandaan, apang payu makedékan. Tusing buungan, ulian macanda, apa ané jejehanga ngajak Beli Komang, ané jani rasayang tiang. Kadék Windu satata ada buat tiang, nimpalin tiang kala seneng lan sebet, sai masi nulungin kala tiang ngelah tugas. Kéto masi ngatehang tiang kemu mai. Diastun suba pada-pada ngelah tunangan, bunga-bunga tresnané tumbuh tusing karuan nyén ané matajuk. Apabuin sesai timpal-timpalé ané lénan sahasa maek-maekang tiang apang matunangan. Sinah ngansan ngedénang rasané ené.
“Ratna ajak Windu nyanan luas ka kantor désa, nah! Pak Mekel ngorahin apang ada perwakilan nongosin posko penanganan Covid-19 ditu,” kéto Gunggék Ayu nundén tiang ngajak Kadék Windu. Sesai ia ngemaang tiang tugas luas ka sisi ngajak Kadék Windu. Ngalih kéné, ngalih kéto. Meli kéné, meli kéto. Ulian ia dadi ketua kelompok, tusing bani tiang nungkasin.
Galah becat majalan, suba abulan tiang nyalanang KKN ditu. Diastun tondén taén pada-pada nyambatang, kenehé ngansan ngedénang ngajak Kadék Windu. Sujatinné, tiang nawang pajalané ené pelih. Baat keneh tiangé malaksana buka kéné, kadirasa mogbogin tunangan padidi, tusing satya wacana rasayang tiang.
Sunaran kartika candra ri kala Purnama Kapaté putih nyentak ngaé petengé karasa galang. Kéto masi bunga-bungané pada miik ngalub ngiterin gumi. Di betén punyan poh madu ané majujuk tegeh di natah sekolah SDné ané tongosin tiang dadi posko KKN, ditu tiang ngajak Kadék Windu negak padaduanan.
“Tu, dadi iang ngomong?” kéto alus munyinné Kadek Windu.
“Apa, Dék?” Tiang masaut paling. Tumbén seken pesan dingehang tiang munyinné, biasanné anak lebihan guyu yén suba ajak nutur.
“Nang tolih bulané ba duur, liu ajaan iterin bintang. Yén Putu dadi bulané ento, bintangé ané kén lakar pilih Putu?”
“Ha...? Ené ngomong seken apa guyu? Adi iang patuhang cara bulan? Pasti ulian iang jegég bulan aa? Hahahaha...”
“Bah, né! Ajak ngomong seken, kadéna guyu!”
“Men kan mula biasanné Kadék Windu tusing taén seken. Saling ké ngajak timpal, ngajak tunanganné gén tusing seken méh né? Dasar buaya darat!” kéto tiang nyautin, milu masi candain tiang, apang tusing bes seken.
“Mula sajan iang buaya darat, tusing taén tegteg ngajak anak luh abesik. Amonto iang nepukin anak luh, nak kondén ada tepukin cara Putu. Putu nyak nimpalin iang diapin suba nawang ia muani buaya mimbuh sakit buka kéné.”
Kadék Windu sujatinné polos pesan, kéwala ia mula demen macanda ngajak anak luh, ané ngaé liu anak luhé demen ngajak ia. Nanging, ia masi sujatinné ngengkebang sakit. Tuah bedik anaké nawang. Ia ngelah sakit jantung. Yén bes leleh, taén makesiab apabuin lebian makeneh, sakitné bisa kumat. Di kelompoké KKN tuah tiang ané nawang sakitné. Ento makada tiang satata mautsaha ngaé ia lega, apang tusing kambuh sakitné. Yén dadi baan, apang ia nyidaang seger.
“Hem... sok-sokan ngomong kéto. Mén Iluh Gég tusing akuin?” tiang nyaruang tuturné.
“Sujatinné, iang tusing ja seken kenehé ngajak ia, Tu. Kéwala tusing nyidang iang megatin tresna ajak ia. Limang tiban majalan, suba ping kuda iang ngalih anak luh lén, ping kuda masi suudin iang, ia sing taén nyak suud.”
“Ento artinné, ia seken ngajak Kadék! Kéweh ngalih anak luh kéto buin!”
“Asané sing kéweh, yén anaké luh ento tusing gelahang anak lén.”
“Maksudné?”
“Sujatinné, iang anak demen ngajak Putu. Diapin mara dugasné kenal, iang nyaman ngajak Putu. Putu jegég, polos, dueg, aget pesan asanné yén makatang Putu. Kéwala iang nyadar masi, iang enu ngelah tunangan, Putu masi suba ngelah apabuin suba mataki-taki lakar ngantén, sing patut asané yén iraga mabesikan. Kéwala Tu, rasané ené teka padidina, jelék rasanné yén iang ngengkebang padidi. Takut nyanan iang malunan mati, katimbang nyambatang ené ngajak Putu, hahaha...”
“Éh, eda ngawag-ngawag mamunyi, selidan ngitungang mati né!”
“Men yén sajan iang mati buin mani, kudiang carané ngorta ajak Putu, yén iraga suba beda alam?”
“Ah, dadi suunang baas pipis isinin sesari satus tali, nyidang nutur via tubuh balian sonténg. Ééékkk,” buin candain tiang.
“Ah, ngomong seken né, Tu!”
“Hu... Ah...” Tiang ngedeng angkihan lantang.
“Yén unduk ento, Dék, iang masi tusing nyidang mogbogin keneh padidi. Sujatiné iang masi ada rasa ngajak Kadék. Kéwala, iang tusing nyidang masi lakar megatang semayané ngajak Beli Komang, tunangan iangé ané suba sadia ngantosang iang uling atiban lebih, kulawarga masi suba pada nawang lan setuju iang lakar ngantén disubané tamat kuliah. Lek atiné yén kanti buung ngajak Beli Komang. Kanggoang jani iraga sabates matimpal, diapin mongkén ada rasa tresna, sepel padidi. Iraga tusing lakar nyidang mabesikan. Ingetang masi tunangan Kadéké ané suba nerima Kadék diapin kénkén solah Kadéké tekén ia.”
“Nah, yén suba kéto, jalanin gén suba. Kéwala janji nah, Putu musti selalu ada buat iang selama KKN.”
“Oké, siap!”
Tusing madaya, tutur sekené ento dingehanga tekén Gunggék Ayu. Benyah latig unduké jani, Gunggék nekedang paundukan tiangé ngajak Kadék Windu tekén Luh Suasti, tunanganné Kadék Windu.
“Tu, Tu. Gawat!” semengan Kadék Windu ngalih tiang misi ngangsegang angkihan.
“Gawat éngkén?”
“Gunggék nekedang unduk iraga ngajak Luh Suasti, orahanga iraga selingkuh. Jani Luh Suasti ngorahang lakar mai, buina Gunggék ngorahang lakar nekedang tekén tunangan Putuné.”
Deg...
Makeplag rasan sirah tiangé kala nawang unduké ento. Tiang ané suba masemaya tuah matimpal dogénan ngajak Kadék Windu, ané jani kapisuna selingkuh. Tusing kakeneh baan tiang, yén kanti Beli Komang nawang unduké ené uli anak lén, sinah lebih-lebihina tuturé, tusing buungan tiang lakar masiat gedé. Tiang makeneh lakar ngorahang unduké ené padidi ngajak Beli Komang, apang tusing malunan Gunggék nekedang patuh cara ia nekedang tekén Luh Suasti. Télpon tiang Beli Komang.
“Beli Komang, ija jani?”
“Di jumah. Éngkén, Tu?”
“Ajak nyén?”
“Padidi. Ada apa nélpon beli semengan?”
“Ada ané lakar orahang iang, beli?”
“Nah, orahang suba!”
“Beli enu seken kenehé ngajak iang, kan?”
“Béh, biin ragu. Beli seken san ajak Putu, tusing ada guyu buin. Asal Putu tusing nakal durin beliné, tusing masi mogbogin beli. Beli paling tusing demen kabogbogin!”
“Nah, yén kéto, beli percaya ngajak iang kan? Iang lakar jujur ngajak beli. Sujatiné iang ada paek ngajak timpal muani dini. Nanging, bani salahang Bhatara, iang tusing ada hubungan lebih ngajak ia, tuah matimpal. Apang tusing beli ningeh munyi soléh-soléh uli anak lén, adénang iang ané nuturang langsung ajak beli. Abedik iang tusing ada mogbogin beli.”
Beli Komang tusing masaut dugas tiang nyambatang kéto. Nadak sara tusing ada munyi apa di télpon. Beli Komang ilang tan pabesen apa, sajaba chat di Whatsapp.
“Tu, suksma antuk atiban tengah puniki. Ané jani, jalanang suba demen Putuné ditu ngajak anak muani ento. Beli las ati nglébang Putu apang Putu bagia. Buin kejep beli mulih Putuné lakar nekedang ngajak mémé bapa unduk tresnan iragané pegat, tusing ulian pelih beliné. Beli suba satya dini ngantosang Putu, suba masi beli mabesen, nanging Putu lémpas tekén samaya. Kemu suba Putu majalan! Beli mapamit.”
Dekdek remuk rasa tangkah tiangé nampi pabesen buka kéto. Tusing nyidang naanang sebet bayuné, ngeling tiang sigsigan di durin sekolahé. Buka ageté muridé libur dugas ento, tusing ada murid pasliwer di sekolahan, tusing ada nepukin tiang ngeling ditu. Tan karasa duang jam tiang ngeling di tongosé ento, timpal-timpalé pada paling ngalihin tiang, kéto masi Kadék Windu.
“Tu, Tu Ratna… Tu... ija né?” pagelur dingeh tiang timpal-timpalé ngalihin tiang.
Di Whatsapp masi tepuk tiang ramé ada nélpon, ada ngirim chat kéwala besik tusing ada makita tiang ngrunguang. Ané antosang tiang tuah télpon uli Beli Komang. Suba ping keti bangsit tiang nélpon tusing kaangkat, kéto masi chat tusing kawales. Notifikasi tanda baca suba centang besik, yén télpon tuah ada keterangan memanggil. Sinah tiang kablokir.
Kala sebeté suba tusing nyidang kataanang buin, Kadék Windu teka nyagjagin tiang. “Yéh, dong dini Putu Ratna! Tu? Putu?” Tiang tusing makita masaut, tuah yéh mata ané membah kadi grojogan yéh loloané nuju pasih, tan kapegatang.
“Éé, Tu? Adi ngeling? Ada apa?” Kadék Windu nyagjagin tiang laut ngusuhin tundun tiangé.
Sambil sigsigan tiang nuturang unduk tiangé ngajak Kadek Windu, “i… i... iang suudina ngajak Beli Komang.”
“Apa!? Adi bisa? Gunggék suba nekedang unduké ané sing beneh ento ngajak Beli Komang aa?”
“Tusing tawang iang. Anak tunian iang makeneh lakar nuturang unduké ento padidi, apang tusing malunan Beli Komang maan tutur boya-boya uli anak lén. Kenehé luung, malah Beli Komang salah tampi langsung nyuudin iang.”
“Kén HPné, iang lakar ngomong ajak Beli Komang. Kan iraga tusing ada hubungan lebih kén matimpal. Diapin paek, kan tuah paek matimpal. Tusing cara ané ortaanga ngajak Gunggék. Né untung Luh Suasti suba ngerti, wiréh ulian ia suba nawang iang sesai paek ngajak anak luh lén uling pidan. Ia tusing nyangetang munyinné Gunggék.”
“Suba tusing nyidang, Dék. Dini ditu iang suba kena blokir. Depang suba, mirib ené karmaphalan iangé.”
“Adah, tusing ada unduk karmaphala né, Tu. Putu tusing pelih apa, iraga masi tusing ada malaksana boya-boya. Ngadénang kéné jani. Putu bangun uli dini, manjus, mabersih-bersih, laut Putu mulih, alih Beli Komang. Tuturang unduk kasujatianné ngajak ia. Télpon masi iang yén suba matemu ngajak Beli Komang, iang ngomong masi apang pragat masalahé.”
Tiang nuutang munyinné Kadék Windu. Majalan tiang mulih, lantas ngalih Beli Komang ka jumahné. Pongah juari tiang nganggurin anak muani apang tusing tiang kanti pegat ngajak ia. Dapetang tiang umahné suung. Paling tiang matakon-takon ngajak pisaganné. Tusing ada nawang dija. Nadaksara tolih tiang suba ngenah foto profil Whatsappné Beli Komang, nyiriang ia suba suud mlokir kontak tiangé. Mara tiang lakar nélpon, sagétan dingeh tiang ada munyi anak muani.
“Tu...” Ia makaukan.
“Beli Komang!” Bagia pesan keneh tiangé nepukin Beli Komang. Tiang laut malaib nyagjagin. Tan karasa membah buin yéh paningalan tiangé dugas ento, ulung di tangkahné Beli Komang kala gelut tiang tekekang.
“Beli, ampurayang iang. Abedik tusing ada keneh iangé lakar mogbogin beli. Apabuin kanti nglémpasin tresnanané. Tiang sing nyak suud, beli!”
“Nah, nah, suud naké monto ngeling.”
“Pokokné iang sing nyak suud, beli!” Enu tekek gelut tiang bangkiangné Beli Komang.
“Nah, sing suud, sing. Mendep naké malu. Lek atiné tepukina ngajak anaké Putu ngeling kéné, nyanan beli orahanga pelaku KDRT.”
“Éh, jeg KDRT!”
“Men? Beli kan sing taén galak ngajak anak luh, ndén ada nepukin Putu ngeling dini, si usak nama baik beliné. Mendep, mendep! Bin kejep mémé ajak Guru teka, eda ngorahang masalahé busan nah. Buung suba suud. Kéwala Putu harus janji, tusing dadi kéto buin. Yén buin kéto durin beliné, pokokné jeg suud sekenan, nah? Beli mula polos, kéwala yén unduk selingkuh, beli tusing terima. Diapin Putu ngorahang mara paek dogén, tuah matimpal, yén matimpal bes paek pasti lakar kejadian, Tu. Kadén suba orahang beli, beli suba taén kilangan anak luh ulian KKN, sakancan dayan anak luh suba tawang beli. Anak beli masi suba malunan ngasanin KKN.”
“Nah, beli. Pokokné jani gisi beli suba janji tiangé. Tiang seken kén beli. Yén kanti tiang paek buin ngajak anak muani lebih kén matimpal, dadi suba kalahin tiang.”
Uli sukat ento, suba sepel tiang kenehé ngajak Kadék Windu. Diapin sabilang wai tepuk di tongosé KKN, tiang mautsaha matesin déwék apang tusing ulian KKN, ngaé uug dini ditu. Apang tusing masi tiang kilangan anak muani polos buin seken buka Beli Komang.
Galahé suba ngliwat. Disubané suud KKN, sakancan komunikasi di média sosial suba pegatang tiang, apang tusing pada-pada buin nundunin keneh. Tusing maselat telung bulan, tampi tiang séwalapatra uli nomor ané tusing kena baan tiang nyén, kéné isinné:
“Katur ring: Putu Ratna Pradnyaswari Saking manah suci ning nirmala, malarapan rasa tresna sujati, tiang nguncarang rasa suksma ring Putu Ratna anak luh jegég, polos, jemet, dueg, waluya kadi widyadari ané satata ada nimpalin tiang kala sebet lan liang dugas enu bareng-bareng nyalanin KKN. Kéweh baan tiang ngengsapang sakancan kenangan ané suba kajalanin ipidan diastun pajalané ané kaliwatin tusing ja beneh. Saha, tiang nunas ampura yén tiang taén ngaénang Putu sebet, taén masi ngaé Putu mauyutan ngajak Beli Komang. Tiang mapangapti mugi Putu langgeng ngajak Beli Komang, anak muani ané banget spésial di idup Putuné ngantos kawekas. Suksma suba ngaé tiang bagia, suba selalu ada, diapin iraga tusing nyidang dadi ané spésial. Depang sakancan rasa tresnané sepel anggo satua cendet ané manis kaingetang buin pidan. Suksma, Tu! Tiang sayang Putu.
Putu, niki tiang Luh Suasti nekedang pabesenné Kadék Windu ané siduri, apang tusing raganné matilar mabekel keneh ané tuara sida katekedang.” 7
“Katur ring: Putu Ratna Pradnyaswari Saking manah suci ning nirmala, malarapan rasa tresna sujati, tiang nguncarang rasa suksma ring Putu Ratna anak luh jegég, polos, jemet, dueg, waluya kadi widyadari ané satata ada nimpalin tiang kala sebet lan liang dugas enu bareng-bareng nyalanin KKN. Kéweh baan tiang ngengsapang sakancan kenangan ané suba kajalanin ipidan diastun pajalané ané kaliwatin tusing ja beneh. Saha, tiang nunas ampura yén tiang taén ngaénang Putu sebet, taén masi ngaé Putu mauyutan ngajak Beli Komang. Tiang mapangapti mugi Putu langgeng ngajak Beli Komang, anak muani ané banget spésial di idup Putuné ngantos kawekas. Suksma suba ngaé tiang bagia, suba selalu ada, diapin iraga tusing nyidang dadi ané spésial. Depang sakancan rasa tresnané sepel anggo satua cendet ané manis kaingetang buin pidan. Suksma, Tu! Tiang sayang Putu.
Putu, niki tiang Luh Suasti nekedang pabesenné Kadék Windu ané siduri, apang tusing raganné matilar mabekel keneh ané tuara sida katekedang.” 7
1
Komentar