Anak Muani ané Tusing Kena Yusan Pakibeh Jagat
Madé Galang suba setiman tiban nyalanin idup di guminé. Kudang masa kadén suba taén liwatiné. Ia taén nepukin jaman Orde Baru dugas ajin cengkéhé ulung maglebug.
Saingné Wayan Galang ané ngelah punyan cengkéh pada strés, makejang pada ngebah punyan cengkéhné. Tegalan di désané ento ané biasanné ngenah gadang ngrembun, nadak maganti dadi galang, tuah punyan nyuh langah-langah ané masisa. Para pataniné ané ngamatiang punyan cengkéhné lantas nyumunin mulain tegalné baan bibit kopi. Ada ané mamula bibit blalu, biu, nangka, ada masih ané mamula bibit durén. Kayu cengkéhé ané gedé-gedé ada ané nganggon adegan kubu sampi, ada ané nganggo adeng. Carang punyan cengkéhé ané geles-geles anggona saang. Madé Galang ané dugas ento mara matuuh roras tiban suba ngelah keneh malénan tekén saing-saingné. Ia nombang bapanné milu ngebah punyan cengkéhné.
“Pa, eda ja malu ebaha punyan cengkehe! Nyén nawang mani puan nyak buin mael!”
Bapanné nuutin pangidih panakné. Ia jejeh panakné ngambul sing nyak buin nulungin magarapan ka cariké. Jamanné ento Madé Galang suba andel pesan magaé ka cariké, nulungin bapanné ngarit muah numbeg.
Jaman krisis monetér masih maan liwatina tekén Madé Galang, dugas ento tuuhné sawatara duang dasa tiban. Anaké liu ané strés ngenehang ajin barangé ané makejang pada makeber nambung, nanging Madé Galang sing ngrunguang, tetep biasa-biasa dogénan. Ia tetep nyidaang madaar cara biasanné, apabuin ia sing taén pilih-pilih daarang nasi. Semunné tetep cara biasanné, sesai nyidaang makenyem. Dugas ento timpalné suba pada ngumbara désa ngalih gaé, ia tetep ngoyong di désa pageh nyalanang geginané dadi tani. Sing ngelah rasa lek dadi tani nyang abedik. Yéning tlektekang, semunné sing taén ngenah sebet, tetep bagia kemu-mai nyidaang makenyem.
Yadiastun tuah dadi tani ngubuh sampi, nanging Madé Galang sing taén kuangan pipis. Ia ngelah pipis uli asil ngadep cengkéhné ané setata nged mabuah. Cengkéh dasa puun ané slamet sing milu maebah cara cengkéh-cengkéh saingné. Ia masih maan pipis uli asil ngadep sampinné. Pipisné liu mapunduh, nanging yén ada anak nakonin, ia sing nawang akuda ngelah pipis. Ia ngubuh sampi kanti limang ukud, kalahanga saing-saingné ané ngubuh sampi tuah aakit. Madé Galang sing taén mamilih ngalih amah-amahan sampi. Padang ané daki, ambengan ané suba wayah, don tiing, don andong, sumi suba tuh, kanti don pait-pait alihanga, nyak dogén amaha tekén sampinné. Saingné pada ngon tekén ia krana setata ngelah sampi ames. Yadiastun ngawag ngalihang sampinné amah-amahan nanging sing taén ngelah sampi berag. Awak sampinné setata bulig malengis.
Ngancan makelo jamané ngancan maju, krama désané suba liu ané nyakan nganggo kompor gas. Sekat ento saang di tegalé udu. Anaké ané ngelah tegal, saangné berek uyak panes, uyak ujan, muah uyak tetani. Carang-carang kayuné sing maguna. Madé Galang dogén ané sing milu-milu nganggo kompor. Sujatinné batek meli kompor gas abesik, ia nyidaang sajan, sing perlu kanti nyicil krana pipis sesepelanné liu sajan. Pipisné luungan anggona menahin umahné ané suba réot. Ia tetep ngalihang reramanné saang. Saang carang-carang kayu, saang tiing, muah saang danyuh di tegalé. Sedeng luunga tegalné madampingan ajak carikné. Saangé ané suba tuh pesel-pesela lantas suuna abana mulih disubané suba suud ngarit di carikné.
Madé Galang tusing pati demen pesu malali. Sing taén ia negak-negak di penggaké, sing taén ia milu matuakan sig dagang tuaké. Yén malali paling joh sig misanné, sig mindonné, muah sig timpalné paturu tukang arit. Ento makada ia sing nyak meli sepéda motor. Kemu mai ingetanga majalan. Yadiastun batisné cenik gilik, nanging ia kenceng sajan, sing taén ngorahang kenyel.
Aba-abaan krama désané uli cerik kanti tua suba masih pada maju, krama taniné masih kéto, suba pada ngaba HP smartphoné. Para krama taniné suba biasa mabekel HP ka carik. Makejang suba pada ngelah média sosial cara janiné. Ulian média sosialé ento, para krama désané, para krama taniné bisa saling cureng, bisa ngaé basang mauled, muah ngaé iri ati ulian ningalin postingan timpal. Madé Galang sing milu-milu cara kéto. Ia sing milu meli HP, sinah sing masih ngelah média sosial. Ia sing taén ngelah keneh ruet ulian ningalin postingan anaké, apabuin kanti marasa pengeng ngitungang pamelin kuota. Kenehné uli pidan amontoan dogén, tetep biasa-biasa dogén. Ia tuah ngelah radio ané nganggo batré. Dedemenané tuah ningehang lagu-lagu di radioné.
Mrana covid ané suba liwat ané ngaé guminé grubug masih suba karasayang baan Madé Galang. Ia sing sanget rungu tekén mranané totonan. Ia itep nyalanang geginané ka cariké. Ia sing taén nyak nganggo masker.
“Ngudiang men nganggo kéto, cara sampi dogénan. Uli pidan tuah sampi ané cocok nganggo camok.” Buka kéto pasautné dugas ada ané ngorahin ia apang nganggo masker. Orahina mavaksin masih sing nyak, nanging ia tetep seger. Anaké di sisi ané suba mavaksin dogén ada masih ané ngalahin, Madé Galang ané sing mavaksin lan sing nganggo masker jeg tetep seger, tetep nyidaang makényem. Kadi rasa virus corona-né sing nyidaang ngulgul Madé Galang. Yén keneh-kenehang mula saja panyakité ento liunan tekané uli keneh. Yén kenehé dabdab cara Madé Galang, sinah panyakité sing bani paek. Solah Madé Galang sedeng tulad, ia sing taén sanget ngenehang pakibeh guminé, sangkal panyakité sing ada bani maekin ia. Rasa sakit ané karasayang tuah tat kala limanné matatu ulian kena arit, yén sing keto batisné kebet-kebet kena tued ulian sing masandal.
Mahasiswa ané mara nyalanin program KKN di désané ento sagét ningeh unduk Madé Galang ané idupné setata bagia, sing taén gelem. Tetelu mahasiswa jurusan kedokteran cumpu lakar ka umahné ngadaang wawancara.
“Dék, aget i raga maan tongos KKN di désané ené,” Gede Féri nutur ngajak timpalné tata kala majalan uli Posko KKN-né nuju ka umahné Madé Galang.
“Aa, Fér, ada masih anak langka buka kéto? Men, kuisioneré suba aba ci, Mang?”
Komang Juna anggut-anggut nanging sing masaut, iteh ia majalan. Gédé Féri makenyem, lantas ngedeng headsét ané nyengsengin kupingné Komang Juna.
“Kénkén né?” Komang Juna makesiab. Kadék Angga lantas nyautin.
“Ajak ngorta jeg sing masaut, kija-kija ajak jeg setata nyengseng kuping. Suba aba ci kuisioneré?
I raga lakar maan data berharga né bin jep, Mang. Lakar dadi penemuan brilian né di dunia kedokteran.”
“Suba,” bawak pasutné Komang Juna.
Sing karasa ajaka telu suba neked di bucun gangé, mahasiswané ento suba ada nak ngorahin umahné Madé Galang di tanggun gangé. Umah ané panyengkerné baan punyan andong lan angkul-angkulné maraab ambengan.
“Om Swastyastu, Pak. Ampura, patut niki jeronné Bapak Madé Galang, nggih?” Kadék Angga nyumunin matur.
“Oh nggih patut, Madé Galang nika adin titiangé. Wénten napi, nggih?”
“Titiang sareng tiga wantah mahasiswa sané polih KKN iriki, Pak. Kabenengan titiang mahasiswa jurusan kedokteran, jagi ngrereh data anggén bahan penelitian. Dados titiang nunas galah ajebos, nggih? Titiang jagi ngwéntenang wawancara akidik sareng semeton bapaké.”
“Oh kénten. Dados, dados. Durusang ja malinggih dumun, kanggéang tén wénten genah.”
“Nggih, suksma, Pak.”
Ajaka telelu mahasiswané ento lantas negak di ampiké, Wayan Galung masih milu negak ditu di tengahan.
“Ampura dumun nggih, adin titiangé kantun ring carik, malih jebos manten rauh.”
“Inggih, ten kenapi Pak,” Komang Juna nyautin.
“Sinambi nyantos, dados titiang nunas info dumun akidik saking bapak?” Komang Juna suba tragia tekén pulpén muah kertas kuisioneré ané misi patakon-patakon.
“Inggih, dados.”
“Puniki, pak. Titiang miragi gatra, adin bapaké punika setata bagia, nénten naenin sebet, napi malih daweg wénten mrana covidé. Kocap adin bapaké biasa-biasa manten, yadiastun tén naenin nganggé masker tetep ja seger-seger manten. Dawég covid punika, anaké sané ngemasin padem punika akéhan sangkaning strés, boya jakti-jakti sangkaning virus. Kramané akéh sané strés duaning kayunné bes ruet, wénten taler sangkaning kicalan pakaryan. Adin bapaké kocap tetep seger oger, samaliha tetep bagia ngmargiang pakaryanné ka cariké. Sapunapi ja pakibeh jagaté, ajin bénsiné menék, ajin berasé menék, tarif listriké menék, sami ajin barangé menék, adin bapaké kocap jeg tetep biasa-biasa manten, kadi ten keni pengaruh. Patut kadi asapunika, Pak?”
Wayan Galung kenyem-kenyem ningehang munyin mahasiswané ento, “Inggih patut pisan. Adin titiangé kamulan anteng saking alit. Pakaryanné semeng sanja wantah ka cariké manten. Ipun lelima ngubuh sampi, jeg kalah titiang, hé hé hé. Adin titiangé ten naenin ngitungang ajin barang menék, taler ten pati matumbasan napi-napi, matan pipis ipun ten uning. Adin titiangé jeg setata bagia nyalanin idupné, duaning ten naenin makeneh ruet.”
Gedé Féri lantas masaut, “Nggih, punika sampun, tetujon titiangé mriki mangda uning, napi nggih rahasiané? Niki pacang dados penemuan ring dunia kedokteran, anggén ngirangin panyungkan méntal, strés, utawi déprési sané akéh nibénin kramané ring Bali ring aab jagaté kadi mangkin.”
“Gus sareng tetiga mangda sauninga, saking alit adin titiangé ODGJ, nanging ten ja naenin ngantos ngamuk-ngamuk kadi anak buduh sané lianan. Ipun tetep seleg ngubuh sampi. Ipun wantah maderbé panyungkan kenyem-kenyem manten.”
Mahasiswané pada mablengek, marasa pelih maan informasi, pelih ngalih tongos penelitian. Tepukina lantas ada anak muani nganggo capil muah natad arit macelep ka umahé ento. Pajalanné engkag-éngkog, paliatné ka mahasiswané, bibihné kenyem-kenyem sambilanga nyelép-nyelépang layahné. 7
“Pa, eda ja malu ebaha punyan cengkehe! Nyén nawang mani puan nyak buin mael!”
Bapanné nuutin pangidih panakné. Ia jejeh panakné ngambul sing nyak buin nulungin magarapan ka cariké. Jamanné ento Madé Galang suba andel pesan magaé ka cariké, nulungin bapanné ngarit muah numbeg.
Jaman krisis monetér masih maan liwatina tekén Madé Galang, dugas ento tuuhné sawatara duang dasa tiban. Anaké liu ané strés ngenehang ajin barangé ané makejang pada makeber nambung, nanging Madé Galang sing ngrunguang, tetep biasa-biasa dogénan. Ia tetep nyidaang madaar cara biasanné, apabuin ia sing taén pilih-pilih daarang nasi. Semunné tetep cara biasanné, sesai nyidaang makenyem. Dugas ento timpalné suba pada ngumbara désa ngalih gaé, ia tetep ngoyong di désa pageh nyalanang geginané dadi tani. Sing ngelah rasa lek dadi tani nyang abedik. Yéning tlektekang, semunné sing taén ngenah sebet, tetep bagia kemu-mai nyidaang makenyem.
Yadiastun tuah dadi tani ngubuh sampi, nanging Madé Galang sing taén kuangan pipis. Ia ngelah pipis uli asil ngadep cengkéhné ané setata nged mabuah. Cengkéh dasa puun ané slamet sing milu maebah cara cengkéh-cengkéh saingné. Ia masih maan pipis uli asil ngadep sampinné. Pipisné liu mapunduh, nanging yén ada anak nakonin, ia sing nawang akuda ngelah pipis. Ia ngubuh sampi kanti limang ukud, kalahanga saing-saingné ané ngubuh sampi tuah aakit. Madé Galang sing taén mamilih ngalih amah-amahan sampi. Padang ané daki, ambengan ané suba wayah, don tiing, don andong, sumi suba tuh, kanti don pait-pait alihanga, nyak dogén amaha tekén sampinné. Saingné pada ngon tekén ia krana setata ngelah sampi ames. Yadiastun ngawag ngalihang sampinné amah-amahan nanging sing taén ngelah sampi berag. Awak sampinné setata bulig malengis.
Ngancan makelo jamané ngancan maju, krama désané suba liu ané nyakan nganggo kompor gas. Sekat ento saang di tegalé udu. Anaké ané ngelah tegal, saangné berek uyak panes, uyak ujan, muah uyak tetani. Carang-carang kayuné sing maguna. Madé Galang dogén ané sing milu-milu nganggo kompor. Sujatinné batek meli kompor gas abesik, ia nyidaang sajan, sing perlu kanti nyicil krana pipis sesepelanné liu sajan. Pipisné luungan anggona menahin umahné ané suba réot. Ia tetep ngalihang reramanné saang. Saang carang-carang kayu, saang tiing, muah saang danyuh di tegalé. Sedeng luunga tegalné madampingan ajak carikné. Saangé ané suba tuh pesel-pesela lantas suuna abana mulih disubané suba suud ngarit di carikné.
Madé Galang tusing pati demen pesu malali. Sing taén ia negak-negak di penggaké, sing taén ia milu matuakan sig dagang tuaké. Yén malali paling joh sig misanné, sig mindonné, muah sig timpalné paturu tukang arit. Ento makada ia sing nyak meli sepéda motor. Kemu mai ingetanga majalan. Yadiastun batisné cenik gilik, nanging ia kenceng sajan, sing taén ngorahang kenyel.
Aba-abaan krama désané uli cerik kanti tua suba masih pada maju, krama taniné masih kéto, suba pada ngaba HP smartphoné. Para krama taniné suba biasa mabekel HP ka carik. Makejang suba pada ngelah média sosial cara janiné. Ulian média sosialé ento, para krama désané, para krama taniné bisa saling cureng, bisa ngaé basang mauled, muah ngaé iri ati ulian ningalin postingan timpal. Madé Galang sing milu-milu cara kéto. Ia sing milu meli HP, sinah sing masih ngelah média sosial. Ia sing taén ngelah keneh ruet ulian ningalin postingan anaké, apabuin kanti marasa pengeng ngitungang pamelin kuota. Kenehné uli pidan amontoan dogén, tetep biasa-biasa dogén. Ia tuah ngelah radio ané nganggo batré. Dedemenané tuah ningehang lagu-lagu di radioné.
Mrana covid ané suba liwat ané ngaé guminé grubug masih suba karasayang baan Madé Galang. Ia sing sanget rungu tekén mranané totonan. Ia itep nyalanang geginané ka cariké. Ia sing taén nyak nganggo masker.
“Ngudiang men nganggo kéto, cara sampi dogénan. Uli pidan tuah sampi ané cocok nganggo camok.” Buka kéto pasautné dugas ada ané ngorahin ia apang nganggo masker. Orahina mavaksin masih sing nyak, nanging ia tetep seger. Anaké di sisi ané suba mavaksin dogén ada masih ané ngalahin, Madé Galang ané sing mavaksin lan sing nganggo masker jeg tetep seger, tetep nyidaang makényem. Kadi rasa virus corona-né sing nyidaang ngulgul Madé Galang. Yén keneh-kenehang mula saja panyakité ento liunan tekané uli keneh. Yén kenehé dabdab cara Madé Galang, sinah panyakité sing bani paek. Solah Madé Galang sedeng tulad, ia sing taén sanget ngenehang pakibeh guminé, sangkal panyakité sing ada bani maekin ia. Rasa sakit ané karasayang tuah tat kala limanné matatu ulian kena arit, yén sing keto batisné kebet-kebet kena tued ulian sing masandal.
Mahasiswa ané mara nyalanin program KKN di désané ento sagét ningeh unduk Madé Galang ané idupné setata bagia, sing taén gelem. Tetelu mahasiswa jurusan kedokteran cumpu lakar ka umahné ngadaang wawancara.
“Dék, aget i raga maan tongos KKN di désané ené,” Gede Féri nutur ngajak timpalné tata kala majalan uli Posko KKN-né nuju ka umahné Madé Galang.
“Aa, Fér, ada masih anak langka buka kéto? Men, kuisioneré suba aba ci, Mang?”
Komang Juna anggut-anggut nanging sing masaut, iteh ia majalan. Gédé Féri makenyem, lantas ngedeng headsét ané nyengsengin kupingné Komang Juna.
“Kénkén né?” Komang Juna makesiab. Kadék Angga lantas nyautin.
“Ajak ngorta jeg sing masaut, kija-kija ajak jeg setata nyengseng kuping. Suba aba ci kuisioneré?
I raga lakar maan data berharga né bin jep, Mang. Lakar dadi penemuan brilian né di dunia kedokteran.”
“Suba,” bawak pasutné Komang Juna.
Sing karasa ajaka telu suba neked di bucun gangé, mahasiswané ento suba ada nak ngorahin umahné Madé Galang di tanggun gangé. Umah ané panyengkerné baan punyan andong lan angkul-angkulné maraab ambengan.
“Om Swastyastu, Pak. Ampura, patut niki jeronné Bapak Madé Galang, nggih?” Kadék Angga nyumunin matur.
“Oh nggih patut, Madé Galang nika adin titiangé. Wénten napi, nggih?”
“Titiang sareng tiga wantah mahasiswa sané polih KKN iriki, Pak. Kabenengan titiang mahasiswa jurusan kedokteran, jagi ngrereh data anggén bahan penelitian. Dados titiang nunas galah ajebos, nggih? Titiang jagi ngwéntenang wawancara akidik sareng semeton bapaké.”
“Oh kénten. Dados, dados. Durusang ja malinggih dumun, kanggéang tén wénten genah.”
“Nggih, suksma, Pak.”
Ajaka telelu mahasiswané ento lantas negak di ampiké, Wayan Galung masih milu negak ditu di tengahan.
“Ampura dumun nggih, adin titiangé kantun ring carik, malih jebos manten rauh.”
“Inggih, ten kenapi Pak,” Komang Juna nyautin.
“Sinambi nyantos, dados titiang nunas info dumun akidik saking bapak?” Komang Juna suba tragia tekén pulpén muah kertas kuisioneré ané misi patakon-patakon.
“Inggih, dados.”
“Puniki, pak. Titiang miragi gatra, adin bapaké punika setata bagia, nénten naenin sebet, napi malih daweg wénten mrana covidé. Kocap adin bapaké biasa-biasa manten, yadiastun tén naenin nganggé masker tetep ja seger-seger manten. Dawég covid punika, anaké sané ngemasin padem punika akéhan sangkaning strés, boya jakti-jakti sangkaning virus. Kramané akéh sané strés duaning kayunné bes ruet, wénten taler sangkaning kicalan pakaryan. Adin bapaké kocap tetep seger oger, samaliha tetep bagia ngmargiang pakaryanné ka cariké. Sapunapi ja pakibeh jagaté, ajin bénsiné menék, ajin berasé menék, tarif listriké menék, sami ajin barangé menék, adin bapaké kocap jeg tetep biasa-biasa manten, kadi ten keni pengaruh. Patut kadi asapunika, Pak?”
Wayan Galung kenyem-kenyem ningehang munyin mahasiswané ento, “Inggih patut pisan. Adin titiangé kamulan anteng saking alit. Pakaryanné semeng sanja wantah ka cariké manten. Ipun lelima ngubuh sampi, jeg kalah titiang, hé hé hé. Adin titiangé ten naenin ngitungang ajin barang menék, taler ten pati matumbasan napi-napi, matan pipis ipun ten uning. Adin titiangé jeg setata bagia nyalanin idupné, duaning ten naenin makeneh ruet.”
Gedé Féri lantas masaut, “Nggih, punika sampun, tetujon titiangé mriki mangda uning, napi nggih rahasiané? Niki pacang dados penemuan ring dunia kedokteran, anggén ngirangin panyungkan méntal, strés, utawi déprési sané akéh nibénin kramané ring Bali ring aab jagaté kadi mangkin.”
“Gus sareng tetiga mangda sauninga, saking alit adin titiangé ODGJ, nanging ten ja naenin ngantos ngamuk-ngamuk kadi anak buduh sané lianan. Ipun tetep seleg ngubuh sampi. Ipun wantah maderbé panyungkan kenyem-kenyem manten.”
Mahasiswané pada mablengek, marasa pelih maan informasi, pelih ngalih tongos penelitian. Tepukina lantas ada anak muani nganggo capil muah natad arit macelep ka umahé ento. Pajalanné engkag-éngkog, paliatné ka mahasiswané, bibihné kenyem-kenyem sambilanga nyelép-nyelépang layahné. 7
Komentar