Shortcut
Komang Budi negak di léneng jembatané. Sambilanga nguad-nguadang bangkiangné apang tusing kram sawiréh joh pajalané uling Dénpasar lakar ka Buléléng. Sambilanga nyiup-nyiup anginé dingin kakebatin sayong tipis. Anginé ngringsing ngégolang don cengkéh ané katempuh ai nguda. Ada masi sakabesik don cengkéh tuh nglinus ulung. Kadakep don lalang ané mentik di réjéng-réjéng témbok rurung shortcut Gitgit-Buléléng.
Komang Budi mesuang roko akatih laut kaenjit. Koné apang anget tangkahné. Kasedot rokoné sambil ngiwasin anaké liwat di shortcut. Ada anaké mara uli Buléléng ngamenékang. Ada masi anaké uli baduuran lakar ka Buléléng, patuh cara ragané.
Ada suba enem tiban, Komang Budi bulak-balik uling Buléléng ka Dénpasar. Uling mara tamat masekolah di kampus Singaraja, tamat Sarjana Pendidikan, ia suba ngentungang awakné ka Dénpasar nglamar gaé dadi guru. Di Buléléng maan dadi guru honor, sing sedeng baan ngidupin keluargané. Da ja maang ngidih pipis mémé bapané, anggona padidiané dogén suba kuangan. Ento mawinan ulian ada timpalné ngesirin orta ada sekolah swasta di Dénpasar ngalih guru, ia ngalih gaé ka Dénpasar dadi guru. Sukat ento maanan masi maang ngidih anak tua bekel krana di Dénpasar ngidang ngalih cépéran ngajahin saelénan tekén di sekolahné magaé. Sakéwala suba ja melah gagaéné ditu, Komang Budi enu masi dot dadi pegawai negeri apang ngelah mani puan bekel. Cenik lantangé kadi raos anak lingsiré. Buina mémé bapané suba ngangsan tua, sai suba gelem-geleman. Ia panak padidiané. Ento masi ngaénang kenehné mabiahpara. “Yén di Dénpasar magaé, mémé bapané kenehang. Yén di Buléléng magaé, bekel sing sedeng.”
Ulian kenehné dot jumah magaé, ia terus marengin yén suba ada jalan milu tés CPNS. Suba pang telu milu tés CPNS kondén masi ngidang lulus. Yén alih di réngking ngenah suba Komang Budi sing taén beténan tekén nomor 3. Aliha guru papat yén sing nomer satu asil ujiané, bisa dua, bisa telu. Kéwala yén suba ada pengumuman, tusing suba ngenah adané. Pih, ané kéto-kéto masi ngranaang stréss kenehné. Kéwala Komang Budi anak mula ulet. “Sing maan jani kayangné buin coba. Masi jani suba ada gaé, diastun joh uling jumah,” kéto kenehné akesiaban.
Ané jani, ada swécan Widhi. Ia lolos dadi guru P3K. Perjuangan apang lolos P3K masi tusing aluh. Komang Budi tusing ja énggal nyerah. Ia mileh matakon-takon unduk syarat apang ngidang dadi guru P3K. Tusing ja matakon tekén timpalné dogén, ia matakon kanti ka Dinas Pendidikan Provinsi. Usaha ané kajalanin tusing pocol. Jani Komang Budi suba dadi guru ASN P3K. Dinané buin mani, ia lakar nyemak SK ané lakar mastiang tongos ngajahin. Misi suba pangaptiné Komang Budi, ngacep-acep ring leluhurné apangan maan gaé di Buléléng, maan sesai ngrungu mémé bapané.
Komang Budi enu masi nyedot rokoné ane buin abedik. Suba asananga makelo negak di léneng jembatan shorcut, ia mataki-taki lakar nugtugang pajalané mulih ka Buléléng. Mara ukana ngidupang motorné, sagét ada anak marérén di sampingné.
“Mang, lakar mulih?” anaké ento nyapatin.
Komang Budi ngipekin anaké macapatan ento.
“Éh, Nyoman Boncu, lakar kija né? Aa, raga lakar mulih, bin mani nyemak SK P3Kné,” saut Komang Budi
Komang Budi bin muka hélm. Ajaka dadua laut negak di léneng jembatané.
“Raga lakar mulih masi. Patuh lakar nyemak SK P3Kné,” saut Boncu.
Komang Budi marasa tengkejut. Ia makeneh, “Ipidan Boncu maan milu tés P3K? Adi bisa milu nyemak SK? Buina adi sing maan nyambat ia milu tés?” liu patakon Komang Budi di kenehné.
Kondén man netesang matakon sagét Komang Boncu bin matakon.
“Mang suba tawang dija lakar tugas dadi guru P3K?”
“Kondén, buin mani mara ja tawang.”
Komang Boncu kedék lantas masaut, “Raga suba tawang tongos tugas dija. Ngidih apang sing joh-joh uling jumah. Ngalih sekolah ané paek dogén. Di SD 4 raga tugas, Mang.”
“Ngidih?” buin Mang Budi makesyab ningehang. Laut matakon, “Dadi ngidh kéto Man? Yén dadi, raga milu sik ngidih.” Keto omongné Mang Budi misi kedék.
“Éngkén carané apang ngidang ngidih tongos tugas Man? Nyén alih?” buin Komang Budi matakon
Man Boncu milu kedék. Ia ngorain Komang Budi suba telat yén jani lakar ngidih tongos. Yén lakar ngidih tongos, suba uling mara pengumuman maan, ngalih timpal apang ngidang ngurusang tongosé tugas. Komang Budi kileng-kileng ningeh orta kakéto. Ia tusing nawang nyén ané lakar kaidihin tulungan apang ngidang paek tugas cara Man Boncu. Buina, buka tuturné Man Boncu, ngidih tulungan ento misi maang sesari alias pipis apang enggal urusanga. Mimih, raga anggo bekel meli lengis nu kuangan. Apa lakar anggo? Ningeh tutur buka kéto, Komang Budi sing suba lakar ngidang nuutin cara Boncu. Suba ngidang lulus tur dadi guru di gumi jumah dogén suba lega. Kanggoang suba tusing paek umah tugasé. Dija ja suba yang penting di Buléléng.
“Wé… raga masatua, jeg ia bengong,” Boncu ngesiabang Mang Budi.
Mang Budi makenyem, laut nyuariang matakon, “Man, raga sing tawang Nyoman milu tés P3K. Adi sing nyambat jak raga? Padahal raga jak dua sekolah abesik di Dénpasar. Dija Nyoman milu tés?”
Man Boncu kedék ngikik di sampingné Mang Budi.
“Mang, raga sing milu tés, males suba milu tés, pragat sing lulus. Paman raga di dinas nulungin. Ia ngalihang anak, kéwala nganggon adan raga. Anaké ento milu tés nganggo adan raga. Nyan bayah gén. Suba rahasia umum. Tapi off the récord nah.”
“Oo…. kéto? Mimih!” kéto kenehné Mang Budi.
Buin Boncu ngalantur ngomong, “Mang, jaman jani da suba ruwet-ruwet Mang. Suba ada jalan aluh ngudiang ruwet. Cara jalané di Gitgit jani, sing perlu buin ngalih rurung péngkolan. Ngaé lengeh misi ngaé ngutah bin. Alih jalan aluh. suba ada shorcut, haha…”
Ada suba enem tiban, Komang Budi bulak-balik uling Buléléng ka Dénpasar. Uling mara tamat masekolah di kampus Singaraja, tamat Sarjana Pendidikan, ia suba ngentungang awakné ka Dénpasar nglamar gaé dadi guru. Di Buléléng maan dadi guru honor, sing sedeng baan ngidupin keluargané. Da ja maang ngidih pipis mémé bapané, anggona padidiané dogén suba kuangan. Ento mawinan ulian ada timpalné ngesirin orta ada sekolah swasta di Dénpasar ngalih guru, ia ngalih gaé ka Dénpasar dadi guru. Sukat ento maanan masi maang ngidih anak tua bekel krana di Dénpasar ngidang ngalih cépéran ngajahin saelénan tekén di sekolahné magaé. Sakéwala suba ja melah gagaéné ditu, Komang Budi enu masi dot dadi pegawai negeri apang ngelah mani puan bekel. Cenik lantangé kadi raos anak lingsiré. Buina mémé bapané suba ngangsan tua, sai suba gelem-geleman. Ia panak padidiané. Ento masi ngaénang kenehné mabiahpara. “Yén di Dénpasar magaé, mémé bapané kenehang. Yén di Buléléng magaé, bekel sing sedeng.”
Ulian kenehné dot jumah magaé, ia terus marengin yén suba ada jalan milu tés CPNS. Suba pang telu milu tés CPNS kondén masi ngidang lulus. Yén alih di réngking ngenah suba Komang Budi sing taén beténan tekén nomor 3. Aliha guru papat yén sing nomer satu asil ujiané, bisa dua, bisa telu. Kéwala yén suba ada pengumuman, tusing suba ngenah adané. Pih, ané kéto-kéto masi ngranaang stréss kenehné. Kéwala Komang Budi anak mula ulet. “Sing maan jani kayangné buin coba. Masi jani suba ada gaé, diastun joh uling jumah,” kéto kenehné akesiaban.
Ané jani, ada swécan Widhi. Ia lolos dadi guru P3K. Perjuangan apang lolos P3K masi tusing aluh. Komang Budi tusing ja énggal nyerah. Ia mileh matakon-takon unduk syarat apang ngidang dadi guru P3K. Tusing ja matakon tekén timpalné dogén, ia matakon kanti ka Dinas Pendidikan Provinsi. Usaha ané kajalanin tusing pocol. Jani Komang Budi suba dadi guru ASN P3K. Dinané buin mani, ia lakar nyemak SK ané lakar mastiang tongos ngajahin. Misi suba pangaptiné Komang Budi, ngacep-acep ring leluhurné apangan maan gaé di Buléléng, maan sesai ngrungu mémé bapané.
Komang Budi enu masi nyedot rokoné ane buin abedik. Suba asananga makelo negak di léneng jembatan shorcut, ia mataki-taki lakar nugtugang pajalané mulih ka Buléléng. Mara ukana ngidupang motorné, sagét ada anak marérén di sampingné.
“Mang, lakar mulih?” anaké ento nyapatin.
Komang Budi ngipekin anaké macapatan ento.
“Éh, Nyoman Boncu, lakar kija né? Aa, raga lakar mulih, bin mani nyemak SK P3Kné,” saut Komang Budi
Komang Budi bin muka hélm. Ajaka dadua laut negak di léneng jembatané.
“Raga lakar mulih masi. Patuh lakar nyemak SK P3Kné,” saut Boncu.
Komang Budi marasa tengkejut. Ia makeneh, “Ipidan Boncu maan milu tés P3K? Adi bisa milu nyemak SK? Buina adi sing maan nyambat ia milu tés?” liu patakon Komang Budi di kenehné.
Kondén man netesang matakon sagét Komang Boncu bin matakon.
“Mang suba tawang dija lakar tugas dadi guru P3K?”
“Kondén, buin mani mara ja tawang.”
Komang Boncu kedék lantas masaut, “Raga suba tawang tongos tugas dija. Ngidih apang sing joh-joh uling jumah. Ngalih sekolah ané paek dogén. Di SD 4 raga tugas, Mang.”
“Ngidih?” buin Mang Budi makesyab ningehang. Laut matakon, “Dadi ngidh kéto Man? Yén dadi, raga milu sik ngidih.” Keto omongné Mang Budi misi kedék.
“Éngkén carané apang ngidang ngidih tongos tugas Man? Nyén alih?” buin Komang Budi matakon
Man Boncu milu kedék. Ia ngorain Komang Budi suba telat yén jani lakar ngidih tongos. Yén lakar ngidih tongos, suba uling mara pengumuman maan, ngalih timpal apang ngidang ngurusang tongosé tugas. Komang Budi kileng-kileng ningeh orta kakéto. Ia tusing nawang nyén ané lakar kaidihin tulungan apang ngidang paek tugas cara Man Boncu. Buina, buka tuturné Man Boncu, ngidih tulungan ento misi maang sesari alias pipis apang enggal urusanga. Mimih, raga anggo bekel meli lengis nu kuangan. Apa lakar anggo? Ningeh tutur buka kéto, Komang Budi sing suba lakar ngidang nuutin cara Boncu. Suba ngidang lulus tur dadi guru di gumi jumah dogén suba lega. Kanggoang suba tusing paek umah tugasé. Dija ja suba yang penting di Buléléng.
“Wé… raga masatua, jeg ia bengong,” Boncu ngesiabang Mang Budi.
Mang Budi makenyem, laut nyuariang matakon, “Man, raga sing tawang Nyoman milu tés P3K. Adi sing nyambat jak raga? Padahal raga jak dua sekolah abesik di Dénpasar. Dija Nyoman milu tés?”
Man Boncu kedék ngikik di sampingné Mang Budi.
“Mang, raga sing milu tés, males suba milu tés, pragat sing lulus. Paman raga di dinas nulungin. Ia ngalihang anak, kéwala nganggon adan raga. Anaké ento milu tés nganggo adan raga. Nyan bayah gén. Suba rahasia umum. Tapi off the récord nah.”
“Oo…. kéto? Mimih!” kéto kenehné Mang Budi.
Buin Boncu ngalantur ngomong, “Mang, jaman jani da suba ruwet-ruwet Mang. Suba ada jalan aluh ngudiang ruwet. Cara jalané di Gitgit jani, sing perlu buin ngalih rurung péngkolan. Ngaé lengeh misi ngaé ngutah bin. Alih jalan aluh. suba ada shorcut, haha…”
Mang Budi milu makenyem manglé. Moyanin tuara juari. Anaké ngalih gaé liu nak berjuang kanti muntag-matig apang maan gaé dadi P3K. Né jug aluh maan joki. “Nu dogén isin guminé kéto,” kenehné Mang Budi. 7
Olih:
Putu Ardana Bukian
Komentar