Tamara Ubud
Munyin rindiké nuldulin kenehné I Tamara. Ia tumbén pesan ka Bali. “Tusing pelih ngalih tongos libur,” kéto ia ngrieng di kenehné. Buina misi kalungina bunga mitir mara lakar macelep ka hotél. Sayan-sayan kelangen tekén gumi Bali
Ia suba pepes mamaca indik pulo Bali. Ia suba biasa ngalih orta indik Bali. Makejang ané pacana lan ané tingalina di média sosial rasaanga anut. Ané magaé di front office prajani ngabaang minuman Selamat Datang, Wellcome Drink. Sayan-sayan kadaut kenehné I Tamara.
Putu Sugiarta ané dadi gaidné masi demen krana mrasa nyidaang ngaleganin I Tamara. I Tamara anak bajang jegég buina ngelah perusahaan di Prancis, koné paak ajak Menara Éfell ané kasub ento. Ia nuturang kaluihan Menara Éffelé. “Manian mlali ka Prancis, nah?” kéto munyinné I Tamara tekén Putu Sugiarta. Ia nyautin baan kenyem dogén. Mrasa tekén prabiané liu, sinah tusing lakar nyidaang nawang gumi Prancis. Gumi ané dadi ngongonan.
Ia kenalné ulian I Putu Sugiarta ngrekam murid-muridné praktik boga. Turah jani siaran langsung mabasa Prancis. Mula cacep I Putu mabasa Prancis. Koné ipidan taén kuliah di fakultas jurusan Bahasa Prancis. Sing nyandang sambatang buin yén mabasa Prancis alah yéh ngeloh. Uli sukat ento, sayan-sayan kadaut kenehné I Tamara. Ia lantas nulungin murid-muridé ané tuna, baangina prabia apang sida kanti tamat masekolah. Di Prancis, ia ngelah yayasan ané tulénga tekén anak seleg mlajah lan demen masekolah.
Petengné ajaka mabalih igel-igelan kécak ané misi satua, Sita Palaibang Rahwana. Tusing makijepan nang abedik paningalané I Tamara. Di kénkéné limané misi ngebit, ia buka taén ngrasaang awakné ngigel buka kéto. Limané ento telektekanga tekén Putu Sugiarta. “Ngujang dadi limané I Tamara buka anak taén ngigel? Apa ia masi mlajahin igel-igelan Bali di Prancis?”
Putu Sugiarta nawang igel-igelan Baliné suba liu ané mlajahin, kéto masi tetabuhan Bali. “Apa I Tamara bareng di sanggar ané mlajahin igel-igelan Bali?” Kanti tambis peteng I Tamara mabalih kécak. Muané serdah gati, sayan ngenah kajegégané. Sayan demen kenehné I Tamara tekén gumi Bali. Sayan liang misi buka apti-aptiané. Neked di hotél suud mabalih kécak, I Tamara tusing nyidaang nyrepjepang paningalané. Kenehné buka kadaut tekén igel-igelan ané pabaliha. Prajani ia nga-WA Putu Sugiarta ngorahang tusing nyidaang sirep. Kenehné inget tekén igel-igelan Bali. “Buin mani alihang jebos guru ané bisa ngurukang igel-igelan buka kéto. Meled mlajahin igel-igelan Dewi Sita.”
Putu Sugiarta ngénggalang nyautin. “Nah, mani alihanga guru ané bisa ngajahin igel-igelan Sita. Di Bali liu tongos mlajah ngigel buka kéto.” Kendel gati I Tamara mara nyak nyariep paningalané. Sakéwala, kenehné sayan majalan nglinderin gumi Baliné. Ia marasa-rasa buka ada ané negul kenehné di Bali. Ipidan taén ada nyambat méméné maan ka Bali matemu smara ajak anak truna di Bali ngaku pada-pada demen. Ngaku pada-pada tresna. I Cristina adan méméné. Ajakina nongos di Bali I Cristina tusing nyak. Ada raré kaduta di tengah basangné I Cristina. Di subané di Prancis I Cristina tusing buin taén maangin orta timpalné ané taén ajaka matemu smara. I Tamara nawang indiké ento di subané méméné gelem sanget tusing bakat tulung.
“Tamara, yén suba mémé mati, alih bapané di Bali. Komang Budi adané. Ipidan ia nongos di Ubud. Bapan Tamarané ngelah artshop. Adan artshopné, Ubud Artshop. Mémé kacantol tekén bapan Tamarané kala mablanja ditu. Bapan Tamarané anak dadi pragina masi. Pepes ngigel dadi Rama. Artshopé ento gelah bapan Tamarané. Ené foton bapan Tamarané. Madak apang tepuk.” I Tamara nyémak foton bapané melahanga gati ngejang. Sabilang peteng tetep astitianga bapané apang setata seger lan bagia di Bali. Tetep ngrastiti apang sida kacunduk tekén bapané.
Semengan suba bangun I Tamara. Ia ngantiang Putu Sugiarta di arep hotélé. Tusing makelo suba teka. Putu Sugiarta suba biasa matimpal ajak tamu Prancis. Alihanga tongos mlajah ngigel di Sukawati. Sanggar ané suba pepes ngajahin tamu mlajah ngigel. Lega pesan I Tamara mara maan panguruk dueg. Liu torisé mlajah ngigel. Ada toris uli Jepang, ada uli Amérika, ada uli Bélgia, ada uli Australia, ada uli Belanda miwah ané lénan. Makejang ngaku demen mlajah ngigel Bali. Buina énggal pada bisa ngigel. Mula seken atiné mlajah ngigel. I Tamara masi énggal bisa ngigel kanti urukanga igel-igelan Sita buka di tarian kécaké.
“Mani ajak tiang ka Ubud. Meled meli lukisan Ubud. Koné di Ubud Artshop, ada lukisan melah indik Bali buka ipidan. Lukisan ané misi anak manyi. Lukisan ané misi anak luh manjus di tukadé. Lukisan ané misi matuakan di penggaké, lukisan anak mabongbong, cutetné lukisan turah Bali buka ipidan. Meled munduhang lukisan buka kéto. Manian apang ada temon-temon, taén ada buka kéto di Bali.”
Putu Sugiarta nyautin baan kenyem. Sawetara jam dasa semengan suba majalan ka Ubud. Motoré suba liu. Torisé eda suba takonanga. Désa Internasional anaké nyambat. Trotoaré liunan toris ané ngliwatin. “Macet,” kéto I Tamara ngrieng.
“Legaang. Macet suba biasa. Madak apang tusing makelo.” Ngrépé pajalan mobilé ané anggona tekén Putu Sugiarta. Panes matanainé nyegut kulit. Aget énggal teked di Ubud Artshop. I Tamara makesieng bayuné mara macelep. “Apa saja ené umahné I Bapa?” I Tamara matakon-takon di kenehné. Tepukina ada foto mesib bapané di sampingné ada toris mapayas Bali, mesib méméné. Matakon adéng-adéng I Tamara, “Sira anaké luh niki?”
“Nika Bu Cristina saking Prancis. Nika Bapan tiangé, Bapa Budi ané nuénang artshopé niki. Bu Cristina nénten enyak ring Bali. Usan mawidiwidana raris ka Prancis kantos mangkin nénten wénten kabarné. Bapan tiangé ngantén malih, kéwanten tresnané ring Bu Cristina nénten dados pasahang. Kantos jaga ngaonin ngaukin Bu Cristina.”
I Tamara mapi-mapi ngalihin lukisan. Limané ngusap yéh paningalané, “Mé, I Bapa suba majalan mati. Tresnané sanget pesan tekén mémé.” Suud mabayahan I Tamara énggal-énggal ka hotél. Ia ngeling sigsigan di hotél. “Pa, tiang panak Bapa. Tiang ka Bali ngalih Bapa. Dadi ati Bapa tusing ada. Ampurayang tiang, Pa. Ampurayang I Mémé, Pa. Madak di kadituan Bapa ajak I Mémé mabesikan.” Kanti peteng I Tamara ngeling sigsigan. Maan nyrepjep ajebos. Sawat-sawat ada munyi dingeha. “Tamara ngujang tusing di umah Tamarané nginep. Ento umah gelah Tamara. Bapa ajak Mémén Tamarané ngaé.”
I Tamara enten. Ia éngal-énggal mukak paspor lan visané, tingalina tanggalné buin mani dinané mawali ka Prancis. 7
Putu Sugiarta ané dadi gaidné masi demen krana mrasa nyidaang ngaleganin I Tamara. I Tamara anak bajang jegég buina ngelah perusahaan di Prancis, koné paak ajak Menara Éfell ané kasub ento. Ia nuturang kaluihan Menara Éffelé. “Manian mlali ka Prancis, nah?” kéto munyinné I Tamara tekén Putu Sugiarta. Ia nyautin baan kenyem dogén. Mrasa tekén prabiané liu, sinah tusing lakar nyidaang nawang gumi Prancis. Gumi ané dadi ngongonan.
Ia kenalné ulian I Putu Sugiarta ngrekam murid-muridné praktik boga. Turah jani siaran langsung mabasa Prancis. Mula cacep I Putu mabasa Prancis. Koné ipidan taén kuliah di fakultas jurusan Bahasa Prancis. Sing nyandang sambatang buin yén mabasa Prancis alah yéh ngeloh. Uli sukat ento, sayan-sayan kadaut kenehné I Tamara. Ia lantas nulungin murid-muridé ané tuna, baangina prabia apang sida kanti tamat masekolah. Di Prancis, ia ngelah yayasan ané tulénga tekén anak seleg mlajah lan demen masekolah.
Petengné ajaka mabalih igel-igelan kécak ané misi satua, Sita Palaibang Rahwana. Tusing makijepan nang abedik paningalané I Tamara. Di kénkéné limané misi ngebit, ia buka taén ngrasaang awakné ngigel buka kéto. Limané ento telektekanga tekén Putu Sugiarta. “Ngujang dadi limané I Tamara buka anak taén ngigel? Apa ia masi mlajahin igel-igelan Bali di Prancis?”
Putu Sugiarta nawang igel-igelan Baliné suba liu ané mlajahin, kéto masi tetabuhan Bali. “Apa I Tamara bareng di sanggar ané mlajahin igel-igelan Bali?” Kanti tambis peteng I Tamara mabalih kécak. Muané serdah gati, sayan ngenah kajegégané. Sayan demen kenehné I Tamara tekén gumi Bali. Sayan liang misi buka apti-aptiané. Neked di hotél suud mabalih kécak, I Tamara tusing nyidaang nyrepjepang paningalané. Kenehné buka kadaut tekén igel-igelan ané pabaliha. Prajani ia nga-WA Putu Sugiarta ngorahang tusing nyidaang sirep. Kenehné inget tekén igel-igelan Bali. “Buin mani alihang jebos guru ané bisa ngurukang igel-igelan buka kéto. Meled mlajahin igel-igelan Dewi Sita.”
Putu Sugiarta ngénggalang nyautin. “Nah, mani alihanga guru ané bisa ngajahin igel-igelan Sita. Di Bali liu tongos mlajah ngigel buka kéto.” Kendel gati I Tamara mara nyak nyariep paningalané. Sakéwala, kenehné sayan majalan nglinderin gumi Baliné. Ia marasa-rasa buka ada ané negul kenehné di Bali. Ipidan taén ada nyambat méméné maan ka Bali matemu smara ajak anak truna di Bali ngaku pada-pada demen. Ngaku pada-pada tresna. I Cristina adan méméné. Ajakina nongos di Bali I Cristina tusing nyak. Ada raré kaduta di tengah basangné I Cristina. Di subané di Prancis I Cristina tusing buin taén maangin orta timpalné ané taén ajaka matemu smara. I Tamara nawang indiké ento di subané méméné gelem sanget tusing bakat tulung.
“Tamara, yén suba mémé mati, alih bapané di Bali. Komang Budi adané. Ipidan ia nongos di Ubud. Bapan Tamarané ngelah artshop. Adan artshopné, Ubud Artshop. Mémé kacantol tekén bapan Tamarané kala mablanja ditu. Bapan Tamarané anak dadi pragina masi. Pepes ngigel dadi Rama. Artshopé ento gelah bapan Tamarané. Ené foton bapan Tamarané. Madak apang tepuk.” I Tamara nyémak foton bapané melahanga gati ngejang. Sabilang peteng tetep astitianga bapané apang setata seger lan bagia di Bali. Tetep ngrastiti apang sida kacunduk tekén bapané.
Semengan suba bangun I Tamara. Ia ngantiang Putu Sugiarta di arep hotélé. Tusing makelo suba teka. Putu Sugiarta suba biasa matimpal ajak tamu Prancis. Alihanga tongos mlajah ngigel di Sukawati. Sanggar ané suba pepes ngajahin tamu mlajah ngigel. Lega pesan I Tamara mara maan panguruk dueg. Liu torisé mlajah ngigel. Ada toris uli Jepang, ada uli Amérika, ada uli Bélgia, ada uli Australia, ada uli Belanda miwah ané lénan. Makejang ngaku demen mlajah ngigel Bali. Buina énggal pada bisa ngigel. Mula seken atiné mlajah ngigel. I Tamara masi énggal bisa ngigel kanti urukanga igel-igelan Sita buka di tarian kécaké.
“Mani ajak tiang ka Ubud. Meled meli lukisan Ubud. Koné di Ubud Artshop, ada lukisan melah indik Bali buka ipidan. Lukisan ané misi anak manyi. Lukisan ané misi anak luh manjus di tukadé. Lukisan ané misi matuakan di penggaké, lukisan anak mabongbong, cutetné lukisan turah Bali buka ipidan. Meled munduhang lukisan buka kéto. Manian apang ada temon-temon, taén ada buka kéto di Bali.”
Putu Sugiarta nyautin baan kenyem. Sawetara jam dasa semengan suba majalan ka Ubud. Motoré suba liu. Torisé eda suba takonanga. Désa Internasional anaké nyambat. Trotoaré liunan toris ané ngliwatin. “Macet,” kéto I Tamara ngrieng.
“Legaang. Macet suba biasa. Madak apang tusing makelo.” Ngrépé pajalan mobilé ané anggona tekén Putu Sugiarta. Panes matanainé nyegut kulit. Aget énggal teked di Ubud Artshop. I Tamara makesieng bayuné mara macelep. “Apa saja ené umahné I Bapa?” I Tamara matakon-takon di kenehné. Tepukina ada foto mesib bapané di sampingné ada toris mapayas Bali, mesib méméné. Matakon adéng-adéng I Tamara, “Sira anaké luh niki?”
“Nika Bu Cristina saking Prancis. Nika Bapan tiangé, Bapa Budi ané nuénang artshopé niki. Bu Cristina nénten enyak ring Bali. Usan mawidiwidana raris ka Prancis kantos mangkin nénten wénten kabarné. Bapan tiangé ngantén malih, kéwanten tresnané ring Bu Cristina nénten dados pasahang. Kantos jaga ngaonin ngaukin Bu Cristina.”
I Tamara mapi-mapi ngalihin lukisan. Limané ngusap yéh paningalané, “Mé, I Bapa suba majalan mati. Tresnané sanget pesan tekén mémé.” Suud mabayahan I Tamara énggal-énggal ka hotél. Ia ngeling sigsigan di hotél. “Pa, tiang panak Bapa. Tiang ka Bali ngalih Bapa. Dadi ati Bapa tusing ada. Ampurayang tiang, Pa. Ampurayang I Mémé, Pa. Madak di kadituan Bapa ajak I Mémé mabesikan.” Kanti peteng I Tamara ngeling sigsigan. Maan nyrepjep ajebos. Sawat-sawat ada munyi dingeha. “Tamara ngujang tusing di umah Tamarané nginep. Ento umah gelah Tamara. Bapa ajak Mémén Tamarané ngaé.”
I Tamara enten. Ia éngal-énggal mukak paspor lan visané, tingalina tanggalné buin mani dinané mawali ka Prancis. 7
Komentar