Bogbog
Semengan mara bangun Kadék Rio ngojog gudang, ngampilang bukuné makacakan. Maura ulian méong nguberin bikul. Tusing makeloné méméné teka nyambatang ada tamiu. Ada ajak petang diri matamiu, kéwala seliwah. Sledetné rengas. Ningeh pesadok méméné buka kéto, Kadék Rio marérén ngampilang buku, ngunjalang angkihan, lantas ngojog balé bengong. Méméné nugtugang mabanten saiban.
Tamiuné petang diri negak di balé bengong. Makejang gedé gangsuh. Mirib makejang milu fitness. Kadék Rio nyanggra tamiuné. Makejang ngwales antuk panganjali umat.
“Deriki jeroné bapak perbekel?” sinalih tunggil tamiuné matakon.
“Patut,” Kadék Rio nyautin.
Tamiuné ané gedé gangsuh malengen situh nyambatang tetujonné teka. Katitahang tekéning pimpinan ngaba wantuan. Pemimpinné kapiangen tekéning krama désa katibén blabar. Punyan kayu pungkat nepén sanggah, ubuh-ubuhan liu anyud. Wewangunan pura muang umah krama usak tomplok yéh gedé. Ada masih kramané ngamar di rumah sakit ulian tepén embidan. Dugas ibi ujan bales maimbuh angin tarik. Yéh telabahé maluab ulian jlinjinganné sampet. Punyan kayu, punyan tiing nylekak di song aungan. Rurungé tan bina kadi telabah, yéhné suluk.
“Tiang nyingakin di Instagram duwéné, yéhé suluk di jalanné. Tuni ngwacén koran, wénten krama kantos ngamar di rumah sakit. Ubuh-ubuhan akéh anyud. Adan tiangé Madé Latra. Tiang katitahang makta wantuan meriki.”
Sakéwala seliwah karasayang tekéning Kadék Rio. Mapan Madé Latra nundén apang perbekel nyemak wantuanné ka umah pimpinanné. Manut Madé Latra, pimpinanné tusing nyidang nyerahang wantuan ka désa kerana gelem. Mara suud operasi kerana paané kena pélor dugas latihan menémbak. Kadasarin manah sengsaya, Kadék Rio nyesedin tamiuné. Nakonang adan pimpinan lan tongos lapangan témbaké. Tamiuné pelih nyambatang tongos lapangan témbaké. Sing madaya yéning Kadék Rio pepes latihan menémbak.
Kadék Rio ngancan sengsaya sangkaning tamiuné tusing lascarya mapitulung. Mamaksa apang perbekel nyemak wantuan di umah kos pimpinanné. Solah tamiuné masih soléh. Ada seleg motrék. Motrék balé daja, balé delod, lan paon. Ada itep ngambar. Ri kala sledétin, sakadi ngambar peta situasi. Ditu lantas Kadék Rio nyesed tetujon tamiuné teka. Satondén nyambatang cumpu nugtug nyemak wantuan, ia ngidih galah manjus sawiréh mapeluh suud mareresik lan ngampilang buku di gudang. Pangidihné kaisinin.
Dugas ngalahin tamiuné di balé bengong, Kadék Rio maekin méménné ané malengok di balé delod. Ditu méméné nyambatang tamiuné teka ajak liu. Ri kala mabanten saiban di lebuh, tinglis tingalina ada ané sayaga di pateluan lan negak di léneng pisaga dajan umahé. Ulian krosokan, mobilné namplig penggak kanti dampar dagangan Mén Luh Nik ketes. Kadék Rio ngancan sengsaya mapan tetujon tamiuné teka boya lakar ngaba wantuan, pasti ada tetujon silib. Ia negtegang bayu, nyemak cerik di panyemuhan lantas ngojog kamar mandi. Satondén kayeh ia nyemak HP lantas nélpon Babinsa lan Bhabinkamtibmas. Nyambatang ada tamiu seliwah ka umahné.
Suud manjus, Kadék Rio mabaju rapi lantas negak di balé bengong nimpalin tamiuné. Ia nyesedin tamiuné. Nyambatang tamiuné bogbog lakar ngenjuhang wantuan tekéning krama désa ané kabrebehan tomplok blabar. Yén sangkaning lascarya mapitulung, pasti ngojog ka désa mabekel wantuan ané lakar kaserahang tekéning kramané. Tusing péndo gaé, nundén pegawé désa nyemak wantuan ka kos-kosan.
“Ampura, tiang ngrasayang bapak sareng sami sampun mogbogin tiang. Nguningang saking sekaa demen menémbak sakémaon nénten uning genah lapangan témbaké. Niki ngawinang tiang sengsaya. Kaping kalih, tembé tiang miragiang keni pélor ri kala latihan. Napi kasujatian pangrauh bapak-bapak meriki?”
Prajani malénan semun tamiuné mara sambatanga bogbog. Ngancan barak biing muan tamiuné ri kala édéngina kliping koran. Kadék Rio ngenah di koran nerima hadiah juara menémbak.
Yadiastun mautsaha makelid ri kala kasesedin, tamiuné lantas ngaku yéning tetujoné boya ngaba wantuan. Kadék Rio makenyem. Ia nundén tamiuné nyambatang tetujon ané sujati.
“Ampura Pak, yakti tiang meriki boya makta wantuan. Titiang anggota keamanan, niki kartu anggota tiangé. Tiang meriki wantah latihan santukan polih skenario menangkap pejabat. Titiang kari pendidikan, rahina mangkin ujian,” Madé Latra nyambatang kasujatianné tur ngédéngang kartu anggota.
“Uling mara teka sampun mogbog, kéweh rasayang titiang precaya tekéning sapangrauh bapak-bapak ka pondok tiangé,” saut Kadék Rio.
Tusing makeloné Babinsa lan Bhabinkamtibmas. Kadék Rio nyanggra para tamiuné. Ngajakin negak di banjahan balé daja mapan balé bengong kosekan. Ia nyambatang tekéning Babinsa lan Bhabinkamtibmas wicara ajak tamiuné. Ditu lantas tamiuné kasesedin. Kartu anggotané katuréksanin, asli. Tamiuné masih nyambatang tetujoné teka tuah latihan. Pendidikan salami 1,5 bulan.
Sasubané Babinsa lan Bhabinkamtibmas magedi, Madé Latra nyambatang ngidih tulung apang perbekel nyak nugtug ka kantor apang ia lan timpal-timpalné man nilai melah.
“Tiang lan timpal-timpal banget nunas tulung ring bapak.”
Kadék Rio makenyem. Kenyemné manis. Tamiuné makejang égar, bagia mapan lakar man nilai tinggi.
“Titiang misadia nulungin, tapi bohong!” 7
“Deriki jeroné bapak perbekel?” sinalih tunggil tamiuné matakon.
“Patut,” Kadék Rio nyautin.
Tamiuné ané gedé gangsuh malengen situh nyambatang tetujonné teka. Katitahang tekéning pimpinan ngaba wantuan. Pemimpinné kapiangen tekéning krama désa katibén blabar. Punyan kayu pungkat nepén sanggah, ubuh-ubuhan liu anyud. Wewangunan pura muang umah krama usak tomplok yéh gedé. Ada masih kramané ngamar di rumah sakit ulian tepén embidan. Dugas ibi ujan bales maimbuh angin tarik. Yéh telabahé maluab ulian jlinjinganné sampet. Punyan kayu, punyan tiing nylekak di song aungan. Rurungé tan bina kadi telabah, yéhné suluk.
“Tiang nyingakin di Instagram duwéné, yéhé suluk di jalanné. Tuni ngwacén koran, wénten krama kantos ngamar di rumah sakit. Ubuh-ubuhan akéh anyud. Adan tiangé Madé Latra. Tiang katitahang makta wantuan meriki.”
Sakéwala seliwah karasayang tekéning Kadék Rio. Mapan Madé Latra nundén apang perbekel nyemak wantuanné ka umah pimpinanné. Manut Madé Latra, pimpinanné tusing nyidang nyerahang wantuan ka désa kerana gelem. Mara suud operasi kerana paané kena pélor dugas latihan menémbak. Kadasarin manah sengsaya, Kadék Rio nyesedin tamiuné. Nakonang adan pimpinan lan tongos lapangan témbaké. Tamiuné pelih nyambatang tongos lapangan témbaké. Sing madaya yéning Kadék Rio pepes latihan menémbak.
Kadék Rio ngancan sengsaya sangkaning tamiuné tusing lascarya mapitulung. Mamaksa apang perbekel nyemak wantuan di umah kos pimpinanné. Solah tamiuné masih soléh. Ada seleg motrék. Motrék balé daja, balé delod, lan paon. Ada itep ngambar. Ri kala sledétin, sakadi ngambar peta situasi. Ditu lantas Kadék Rio nyesed tetujon tamiuné teka. Satondén nyambatang cumpu nugtug nyemak wantuan, ia ngidih galah manjus sawiréh mapeluh suud mareresik lan ngampilang buku di gudang. Pangidihné kaisinin.
Dugas ngalahin tamiuné di balé bengong, Kadék Rio maekin méménné ané malengok di balé delod. Ditu méméné nyambatang tamiuné teka ajak liu. Ri kala mabanten saiban di lebuh, tinglis tingalina ada ané sayaga di pateluan lan negak di léneng pisaga dajan umahé. Ulian krosokan, mobilné namplig penggak kanti dampar dagangan Mén Luh Nik ketes. Kadék Rio ngancan sengsaya mapan tetujon tamiuné teka boya lakar ngaba wantuan, pasti ada tetujon silib. Ia negtegang bayu, nyemak cerik di panyemuhan lantas ngojog kamar mandi. Satondén kayeh ia nyemak HP lantas nélpon Babinsa lan Bhabinkamtibmas. Nyambatang ada tamiu seliwah ka umahné.
Suud manjus, Kadék Rio mabaju rapi lantas negak di balé bengong nimpalin tamiuné. Ia nyesedin tamiuné. Nyambatang tamiuné bogbog lakar ngenjuhang wantuan tekéning krama désa ané kabrebehan tomplok blabar. Yén sangkaning lascarya mapitulung, pasti ngojog ka désa mabekel wantuan ané lakar kaserahang tekéning kramané. Tusing péndo gaé, nundén pegawé désa nyemak wantuan ka kos-kosan.
“Ampura, tiang ngrasayang bapak sareng sami sampun mogbogin tiang. Nguningang saking sekaa demen menémbak sakémaon nénten uning genah lapangan témbaké. Niki ngawinang tiang sengsaya. Kaping kalih, tembé tiang miragiang keni pélor ri kala latihan. Napi kasujatian pangrauh bapak-bapak meriki?”
Prajani malénan semun tamiuné mara sambatanga bogbog. Ngancan barak biing muan tamiuné ri kala édéngina kliping koran. Kadék Rio ngenah di koran nerima hadiah juara menémbak.
Yadiastun mautsaha makelid ri kala kasesedin, tamiuné lantas ngaku yéning tetujoné boya ngaba wantuan. Kadék Rio makenyem. Ia nundén tamiuné nyambatang tetujon ané sujati.
“Ampura Pak, yakti tiang meriki boya makta wantuan. Titiang anggota keamanan, niki kartu anggota tiangé. Tiang meriki wantah latihan santukan polih skenario menangkap pejabat. Titiang kari pendidikan, rahina mangkin ujian,” Madé Latra nyambatang kasujatianné tur ngédéngang kartu anggota.
“Uling mara teka sampun mogbog, kéweh rasayang titiang precaya tekéning sapangrauh bapak-bapak ka pondok tiangé,” saut Kadék Rio.
Tusing makeloné Babinsa lan Bhabinkamtibmas. Kadék Rio nyanggra para tamiuné. Ngajakin negak di banjahan balé daja mapan balé bengong kosekan. Ia nyambatang tekéning Babinsa lan Bhabinkamtibmas wicara ajak tamiuné. Ditu lantas tamiuné kasesedin. Kartu anggotané katuréksanin, asli. Tamiuné masih nyambatang tetujoné teka tuah latihan. Pendidikan salami 1,5 bulan.
Sasubané Babinsa lan Bhabinkamtibmas magedi, Madé Latra nyambatang ngidih tulung apang perbekel nyak nugtug ka kantor apang ia lan timpal-timpalné man nilai melah.
“Tiang lan timpal-timpal banget nunas tulung ring bapak.”
Kadék Rio makenyem. Kenyemné manis. Tamiuné makejang égar, bagia mapan lakar man nilai tinggi.
“Titiang misadia nulungin, tapi bohong!” 7
Olih:
I Madé Sugianto
1
Komentar