Dupa
I Wayan Sabda mula jemet ngaturang bhakti, apabuin ada dina piodalan pastika pedek tangkil ka pura. Dugas rainan purnama kapitu ené, ia matemu ajak kanténanné maadan I Madé Ada. Pada-pada lakar ngaturang pamuspaan di Pura Puseh. Makadadua sawitrané ené pada bengong ngantosang pamuspaan pacang kakawitin. I Wayan Sabda krasak-krosok mesuang dupa uli bungkus plastik matatakan bokor cenik, sinambi makeneh-keneh.
“Sajroning lakar ngmargiang kramaning sembah, patut iraga ajak makejang nyayagayang pirantiné luir ipun sekancan warna bunga, kwangén, lan dupa. Ngomongang dupa, jani magenepan ada cap muwah mérek dagang ané luung-luung, nudut keneh apang linglung lantas meli. Ada goban kulitné nyalig malengis apang uli joh suba ngenah, lakar aluh milih. Ada makulit tebel lan ngranyab apang kuat lan macahya. Ada modél dupa ngendih bisa duang jam, ada nyidayang idup kutus jam lan ada masih dupa mara enjit lantas mati.”
“Beli sampun polih dupa?” kéto patakon I Madé Ada ngesiabang I Wayan Sabda ané enu kemak-kemik mamaca wadah dupané ané misi tulisan wirama lan wargasari.
“Suba Dé, kéwala enu lakar ngenjit, antos malu.”
“Béh anginné baret, sinah kéweh ngidupang colok.”
Séérr… séerr I Made Ada ngesérang colok, mara idup énggalan teka anginné ngampehang laut mati. Kanti nandes telah isin colokné, tondén masi nyidayang ngenjit dupa, buin I Madé Ada ngerémon.
“Aah kénkén né? Jeg sing nyak idup!”
“Ené percék anggo Dé, acepok geblérang suba gedé apiné,” kéto I Wayan Sabda mamunyi sinambi nyerahang korék gas.
“Nah ené mara luung, tok cér, gasné enu liu, pantes akebléran suba idup nilap dupané.”
Demen atinné I Madé Ada mara apiné nyak gedé. Sausan muspa, sinambi nyantos wangsuh pada, buin maan galah I Madé Ada ajak I Wayan Sabda matutur-tuturan.
“Beli, yén terus té anginé baret, tusing sida baan ngidupang dupa, apa anggo muspa,” kéto patakon I Madé Ada.
“Oh ento Dé, sing dadi nyerah, i raga terus mautsaha, apa nyilih tekén sameton di sampingé ajak negak, utawi ka puwargan nunas apin kompor utawi jalikan. I raga mesti sabar apang nyidayang ngenjitin dupa, wiréh dupa ento maka saksi, sthanan Ida Sanghyang Agni sané nyinarin iraga sajroning nglaksanayang pamuspaan,” saut I Wayan Sabda alon.
I Madé Ada enu bengong ngumik-mik, “Ohhh.............”
“Ngudiang enu begong tur ngumik-mik, Dé?” tundikina sikuné I Madé Ada tekén I Wayan Sabda.
“Éh Beli, keneh tiangé kantun ngumbara, tetap enu matakon, ondén maan panyawis yén… yén… yén..... tetep sing té ada api di puwargan, sing nyidayang ngidupang korék sameton di sampingé, kénkén laut payu mabhakti, Beli?”
“Oh kéto, adi joh pesan keneh Madéné,” sada kenyem I Wayan Sabda nyautin.
“Sing joh Beli, ené kan yén upami, yéning upamiang,” sesed I Madé Ada.
“Mula saja cara keneh Madéné, Beli mara inget.......,” pegat satuané wiréh mara ngorahang kéto, sampun rauh Jro Mangku jagi nibakang banyun cokor Ida Bathara. Sinambi nunas tirta lan nunas bija makadadua sameton ento saling nengneng, ningalin kénkén asing-asing natakang lima lan nglungsur wija.
“Dé, kénkén asanné suba polih nglungsur bija lan banyun cokor?”
“Béh sajan sajan awaké mrasa kedas, kenehé ening, bayuné liang, beli.”
“Ento bijané masi ngranayang akéto, Madé suba beneh ngejang wija di lelata. Suksmanné apang iraga ngelah pamineh ané ning tan paleteh. Wija ané kauluh apang iraga polih kawagedan mabebaosan sané santun. Ngejang di kolongan uli malu, duur batun salaké suksmanné apang iraga polih tuntunan ring sajroning maparilaksana ané sopan.”
“Oh, kéto, mara tiang nawang, beli,” saut Madé Ada.
“Nak mula kéto Dé, yén apang seken té iraga polih waranugraha tur nyusup ring sajroining kayun, ring sajroning sarwa bawa, ento dadi laksanaang sesai,” teges I Wayan Sabda.
“Mungpung beli ngorahang kéto, enu patakon tiangé uli tuni tondén kacawis,” I Madé Ada buin inget tekén patakonné yén sing ada api wiadin dupa.
“Unduk sing ada api sing ngelah dupa lakar muspa?” tatas I Wayan Sabda.
“Oh ento suba beli,” I Madé Ada buin nyekenang.
I Wayan Sabda mula demen maca-maca buku filsafat wiréh yusané suba nyansan wayah. Liu buku ané suba tawanga isinné kerana dot nawang apa kasujatian tetuek wiadin petitis i raga nglaksanayang yadnya, ngaé upakara, nginutin agama, lan sios-siosan. Unduk patakon I Madé Ada, yén saja tusing ada api, pinaka saksi pamuspaan, I Wayan Sabda inget tekén tutur kadyatmikan ané maang imba wiréh di déwék iraga masi ada api. Lan jani inget-ingetang, awak i manusa malakar lelima paindikan: ada akasa, bayu, téja, apah, lan pertiwi ané kaadanin Panca Maha Bhuta. Ajak makejang suba nawang suksman asing-asing pakibehé ené. Ané mabuat saha cocok lakar nepasin yén sing ada colok, korék, lakar ngenjit dupa. I raga sujatiné nyidayang ngidupang api, téja ané ada di awaké. Kénkénang ngidupang? Kéné..... “I raga ajak makejang maan tugas numadi ka mracapada lakar nincapang subhakti apang kahuripan iraga sayan nincap. Guminé ené tongos i raga malajah mangda polih swaguna apang nyidayang sayan lami sayan luung. Dini masi tongos iraga berlatih apang maan swagina, terampil lan ngerti apa sesanan i raga, apa swadarman i manusa, ené sing lén tuah gumanti ngulati apang kahuripanné sukerta, rahayu, lan rahajeng.”
“Unduk ngidupang api ring raga kénkén caranya, beli?” buin Madé Ada matakon seken.
Sada demen I Wayan Sabda maang pitutur. “Nah yén lakar ngidupang api ring raga, perlu latihan perenungan ané seken, seleg lan saja, sing dadi iseng-isengan. Perenungan koné ‘perjalanan ke dalam diri’ kéto anaké widagda pepes nyobyahang. Apang seken apiné ngendih sing ja cara dupa idup ri kala muspa dogén terus suud mabhakti lantas kamatiang. Sing kéto dogén suksmané, Dé. Kéwala geni sang téja ring raga mangda maurip salantang kahuripan i manusa, ené lakar ngicén sasuluh, lentera, sinar, cahaya apang pamargin sang numadi nénten kapetengan di guminé.” 7
“Beli sampun polih dupa?” kéto patakon I Madé Ada ngesiabang I Wayan Sabda ané enu kemak-kemik mamaca wadah dupané ané misi tulisan wirama lan wargasari.
“Suba Dé, kéwala enu lakar ngenjit, antos malu.”
“Béh anginné baret, sinah kéweh ngidupang colok.”
Séérr… séerr I Made Ada ngesérang colok, mara idup énggalan teka anginné ngampehang laut mati. Kanti nandes telah isin colokné, tondén masi nyidayang ngenjit dupa, buin I Madé Ada ngerémon.
“Aah kénkén né? Jeg sing nyak idup!”
“Ené percék anggo Dé, acepok geblérang suba gedé apiné,” kéto I Wayan Sabda mamunyi sinambi nyerahang korék gas.
“Nah ené mara luung, tok cér, gasné enu liu, pantes akebléran suba idup nilap dupané.”
Demen atinné I Madé Ada mara apiné nyak gedé. Sausan muspa, sinambi nyantos wangsuh pada, buin maan galah I Madé Ada ajak I Wayan Sabda matutur-tuturan.
“Beli, yén terus té anginé baret, tusing sida baan ngidupang dupa, apa anggo muspa,” kéto patakon I Madé Ada.
“Oh ento Dé, sing dadi nyerah, i raga terus mautsaha, apa nyilih tekén sameton di sampingé ajak negak, utawi ka puwargan nunas apin kompor utawi jalikan. I raga mesti sabar apang nyidayang ngenjitin dupa, wiréh dupa ento maka saksi, sthanan Ida Sanghyang Agni sané nyinarin iraga sajroning nglaksanayang pamuspaan,” saut I Wayan Sabda alon.
I Madé Ada enu bengong ngumik-mik, “Ohhh.............”
“Ngudiang enu begong tur ngumik-mik, Dé?” tundikina sikuné I Madé Ada tekén I Wayan Sabda.
“Éh Beli, keneh tiangé kantun ngumbara, tetap enu matakon, ondén maan panyawis yén… yén… yén..... tetep sing té ada api di puwargan, sing nyidayang ngidupang korék sameton di sampingé, kénkén laut payu mabhakti, Beli?”
“Oh kéto, adi joh pesan keneh Madéné,” sada kenyem I Wayan Sabda nyautin.
“Sing joh Beli, ené kan yén upami, yéning upamiang,” sesed I Madé Ada.
“Mula saja cara keneh Madéné, Beli mara inget.......,” pegat satuané wiréh mara ngorahang kéto, sampun rauh Jro Mangku jagi nibakang banyun cokor Ida Bathara. Sinambi nunas tirta lan nunas bija makadadua sameton ento saling nengneng, ningalin kénkén asing-asing natakang lima lan nglungsur wija.
“Dé, kénkén asanné suba polih nglungsur bija lan banyun cokor?”
“Béh sajan sajan awaké mrasa kedas, kenehé ening, bayuné liang, beli.”
“Ento bijané masi ngranayang akéto, Madé suba beneh ngejang wija di lelata. Suksmanné apang iraga ngelah pamineh ané ning tan paleteh. Wija ané kauluh apang iraga polih kawagedan mabebaosan sané santun. Ngejang di kolongan uli malu, duur batun salaké suksmanné apang iraga polih tuntunan ring sajroning maparilaksana ané sopan.”
“Oh, kéto, mara tiang nawang, beli,” saut Madé Ada.
“Nak mula kéto Dé, yén apang seken té iraga polih waranugraha tur nyusup ring sajroining kayun, ring sajroning sarwa bawa, ento dadi laksanaang sesai,” teges I Wayan Sabda.
“Mungpung beli ngorahang kéto, enu patakon tiangé uli tuni tondén kacawis,” I Madé Ada buin inget tekén patakonné yén sing ada api wiadin dupa.
“Unduk sing ada api sing ngelah dupa lakar muspa?” tatas I Wayan Sabda.
“Oh ento suba beli,” I Madé Ada buin nyekenang.
I Wayan Sabda mula demen maca-maca buku filsafat wiréh yusané suba nyansan wayah. Liu buku ané suba tawanga isinné kerana dot nawang apa kasujatian tetuek wiadin petitis i raga nglaksanayang yadnya, ngaé upakara, nginutin agama, lan sios-siosan. Unduk patakon I Madé Ada, yén saja tusing ada api, pinaka saksi pamuspaan, I Wayan Sabda inget tekén tutur kadyatmikan ané maang imba wiréh di déwék iraga masi ada api. Lan jani inget-ingetang, awak i manusa malakar lelima paindikan: ada akasa, bayu, téja, apah, lan pertiwi ané kaadanin Panca Maha Bhuta. Ajak makejang suba nawang suksman asing-asing pakibehé ené. Ané mabuat saha cocok lakar nepasin yén sing ada colok, korék, lakar ngenjit dupa. I raga sujatiné nyidayang ngidupang api, téja ané ada di awaké. Kénkénang ngidupang? Kéné..... “I raga ajak makejang maan tugas numadi ka mracapada lakar nincapang subhakti apang kahuripan iraga sayan nincap. Guminé ené tongos i raga malajah mangda polih swaguna apang nyidayang sayan lami sayan luung. Dini masi tongos iraga berlatih apang maan swagina, terampil lan ngerti apa sesanan i raga, apa swadarman i manusa, ené sing lén tuah gumanti ngulati apang kahuripanné sukerta, rahayu, lan rahajeng.”
“Unduk ngidupang api ring raga kénkén caranya, beli?” buin Madé Ada matakon seken.
Sada demen I Wayan Sabda maang pitutur. “Nah yén lakar ngidupang api ring raga, perlu latihan perenungan ané seken, seleg lan saja, sing dadi iseng-isengan. Perenungan koné ‘perjalanan ke dalam diri’ kéto anaké widagda pepes nyobyahang. Apang seken apiné ngendih sing ja cara dupa idup ri kala muspa dogén terus suud mabhakti lantas kamatiang. Sing kéto dogén suksmané, Dé. Kéwala geni sang téja ring raga mangda maurip salantang kahuripan i manusa, ené lakar ngicén sasuluh, lentera, sinar, cahaya apang pamargin sang numadi nénten kapetengan di guminé.” 7
Komentar