Sunar di Désa Remrem

Daweg warga 1930, jagat Ulu Sari pinaka désa magenah ring Badung sané kaiterin antuk lawat-lawat kawisésan kompeni. Désa niki maduwé pasar sané ramé, carik mokoh, miwah sekolah anyar, upon saking kebijakan politik étis sané kalaksanayang ri kala kawisésan kompeni ring Bali.

Ring sekolah nika, wénten anak taruna maparab Pak Guru Lanang. Daweg nika dané malajah ring sekolah di kota. Dané seleg malajah santukan maduwé manah yéning sampun lulus pacang dados guru ring désa, ngajahin cerik-ceriké mangda prasida nyalanang idup becik. Sasampuné lulus, dané dados guru ring Désa Ulu Sari.

Genah Pak Guru Lanang ngajahin tuah genah malakar kayu maraab sumi, di durin balé banjaré, nanging sabilang semeng akéh muridé mapupul nyihnayang mua-mua ané masunar. Murid-muridé ka sekolah ngaba karas tur gerip, sayaga nampi paplajahan. Pak guru ngajahin mamaca, ngawi, tur mapetékan, nanging sané dahat, dané ngicén nilai-nilai keberanian, kejujuran, miwah cinta tanah air.

Ring kayun sané nyantep punika, Pak Guru Lanang sesai polih pikobet. Yadiastun kompeni ngaénang sekolah anggén nerapang politik étis, nanging kurikulum sané kaicén tuah abedik. Mawates sakadi kabisan dados buruh sané patuh ring kawisésan kompeni, nénten kabisan mangda dados pemimpin mandiri. Nanging Pak Guru Lanang nénten nyerah. Dané nganggé galah masandekan anggén nyritayang satua-satua pahlawan nusantara.

“Sisya maka sami, uning kéh tekén satua Puputan Badung?” pitakén pak guru.

Murid maadan Wayan Dharma menékang tangan.

“Perang nglawan kompeni nika pak guru!”

“Nggih patut.”

“Sira sané mimpin perang Puputan Badung?” pak guru malih matakén. Murid maadan Wayan Jemet menékang tangan. “I Gusti Ngurah Madé Agung nika pak guru!”

“Nggih patut. Ida pinaka conto yéning iraga mrasidayang nglawan sané nénten patut utawi ketidakadilan. Sampunang alit-alit jejeh yéning maduwe ipian gedé utami mimpi besar menuju kesuksésan nggih!” cawis pak guru sambilang makenyem.

Nanging, katreptian pak guru nénten suwé. Pamréntah résiden maadan Tuan Pieter nyurigayang pak Guru Lanang nyebarang usaha nglawan kompeni utawi pembrontakan. Ri kala semeng, sedeng pak guru Lanang kari ngajahin, balayuda kompeni teka ka sekolah.

“Kami mendapatkan laporan bahwa Anda mengajarkan hal-hal yang bertentangan dengan tujuan melawan pemerintahan Hindia,” sada nengkik Tuan Pieter mamunyi.

Pak Guru Lanang nénten jejeh. “Maaf Tuan, saya hanya mengajarkan anak-anak agar memiliki mimpi besar, apakah hal itu salah?”

Tuan Pieter tusing masaut nanging sekolahé katutup, tusing ada paplajahan buin sawiréh kompeni némbahang. Murid-muridé ngeling, nanging pak Guru Lanang ngicén aptian. Pak guru mabaos, “Pendidikan boya tuah wangunan dogén, malajah dija gén dadi, tongos linggah anggon malajah. Yéning iraga saat malajah, ilmuné pastika karesepang.”

Petengé ento, Pak Guru Lanang malih ngajahin murid-muridé di umahné nanging nyilib. Dané mupulin murid-muridé di teba, nyunarin anggén lampu minyak. Yadiastun pak guru uning tekén puarané, nanging kayunné ngalahang rasa jejeh.

Orti Pak Guru Lanang madingehan ka désa-désa tiosan. Murid-murid saking désa tiosan sareng mlajah drika kaatehin antuk reramané. Tusing makelo, muridé sayan ngakéhang.

Nanging lacur, balayuda kompeni nawang tekén unduké ento. Antek kompeni ngagemin krama désané apang tusing buin nugtugin mlajah. Jani suwung suba umahné Pak Guru Lanang. Sabilang wai Pak Guru Lanang mapangenan, minehin daya apang buin murid-muridé nyidang mlajah sawiréh makejang suba krama désané jejeh tekén gageeman kompeni.

Ring manah sungsut punika, wénten krama désa ngmaang pamargi, ngorahin Pak Guru Lanang ngajahin tusing di abesik tongos, nanging mailehan apang kompeni tusing nyurigain buin.

Pamargi ento ngranayang landuh kayunné. Pak Guru Lanang cumpu tekén murid-muridé miwah krama désané lakar ngalih tongos mlajah magenti-genti tur ngengkebang kahananné apang tusing kanti tawanga ajak balayuda kompeni.

Mangkin murid-muridé prasida malih mlajah. Sabilang lakar suud paplajahan, Pak Guru Lanang, murid, miwah krama désané mligbagin genah mlajah salanturné. Sami lascarya ngicén genahné anggén mlajah kantos mamargi antar. Krama désané cumpu ngengkebang, ngenahang parisolah sakadi tusing ada apa.

Pak Guru Lanang uning, pendidikan pinaka margi, pinaka senjata ané paling mangan anggén nglawan penjajah, patut anggén kantos puputan.

Warsané majalan, Pak Guru Lanang dados tokoh penting memperjuangkan kemerdékaan sané ngajahin ilmu miwah nekedang ipian mangda dados mandiri.

Sabilang peteng ring désa remrem punika wénten sunar, tusing ja tuah sunar lampu minyak kémanten, nanging sané pinih sarat wénten sunar sané makelo-kelo sayan nerangin kahuripan inggih punika pendidikan sané lakar makta papineh nuju kemerdékaan. 7